وبلىستىق ىشكى ساياسات باسقارماسى جانىنداعى ازاماتتىق ورتالىقتىڭ باسشىسى ايگەرىم دوسقاليەۆانىڭ ايتۋىنشا, ايماقتا كوپ بالالى, جالعىزباستى, مۇگەدەك بالا تاربيەلەپ وتىرعان جانە الەۋمەتتىك ءالسىز توپتاعى انالاردى قولداۋعا باعىتتالعان شارا نەگىزىندە ايەلدەردى قىسقا مەرزىمدى كۋرستار ارقىلى جاڭا ماماندىققا تەگىن وقىتۋ كوزدەلىپ وتىر.
-كۋرستاردى ازاماتتىق ورتالىقتىڭ ماماندارى ازىرلەدى. ءبىزدىڭ ماقساتىمىز – ايەلدەردى كاسىپكەرلىك نەگىزدەرىنە وقىتۋ, سول ارقىلى ءوز ىستەرىن باستاپ, ومىرلىك ماقساتتارىن ايقىنداۋعا, ارى قاراي دامۋلارىنا قولداۋ كورسەتۋ. وقۋ مەرزىمىنىڭ ۇزاقتىعى - ءبىر اپتادان ءبىر ايعا دەيىن, - دەيدى ايگەرىم دوسقاليەۆا. –قازىر ءۇش توپتا وقۋ باستالدى, 30 ادامدى قامتىپ وتىر. قاتىسۋشىلار نەگىزىنەن تىگىنشىلىككە جانە اسپاز-كونديتەر, ۆيزاجيست ماماندىقتارىنا قىزىعۋشىلىق تانىتۋدا.
وقۋ كۋرستارى شاشتاراز ءىسى, مانيكيۋر, ۆيزاج, ەمدىك ماسساج, بۋحگالتەريا, ينتەرنەت-ساۋدا داعدىلارى, SMM سەكىلدى باسقا دا ماماندىقتاردى قامتيدى. جاڭا كاسىپ ۇيرەنۋگە قادام جاساعاندار قاتارىندا كوپ بالالى انا ءاليا تاجەنوۆا دا بار. بالا كۇتىمىنە بايلانىستى دەمالىستا وتىرعان ءاليا ۋاقىتىن ءتيىمدى پايدالانىپ, ۆيزاجيست-ستيليست ماماندىعىنا وقىپ جاتىر. «ۇيدە جۇمىسسىز وتىرعان انالار ءۇشىن بۇل جاقسى مۇمكىندىك. سۇلۋلىق الەمىنىڭ سىرلارىن ۇيرەنىپ العاننان كەيىن ءوز ءىسىمدى باستاۋ ماقساتىمدا بار. بۇگىندە مەملەكەت تاراپىنان كوپ بالالى انالاردى قولداۋعا باعىتتالعان شارالار قاتارى ارتىپ كەلەدى. وسى مۇمكىندىكتى پايدالانۋىمىز كەرەك»,-دەيدى ءاليا تاجەنوۆا.
ۇيىمداستىرۋشىلار جوبا قاتىسۋشىلارىنىڭ اراسىندا بەلسەندىلىك تانىتقاندارعا ارنايى گرانت قاراستىرىلاتىنىن دا ايتادى.
اتىراۋ
