شاراينا
بەيسەنبى, 6 جەلتوقسان 2012 7:47
سارايدى تاستاپ شىعۋعا ماجبۇرلەدى
ەگيپەت پرەزيدەنتى موحاممەد ءمۋرسيدىڭ قارسىلاستارى ودان كايردەگىپرەزيدەنت سارايىن بوساتۋدى تالاپ ەتتى. «رەيتەر» اقپارات اگەنتتىگىنىڭحابارلاۋىنشا, قارسىلاستارى بۇل تالاپتى ەرەۋىل كەزىندە جاساعان.
بەيسەنبى, 6 جەلتوقسان 2012 7:47
سارايدى تاستاپ شىعۋعا ماجبۇرلەدى
ەگيپەت پرەزيدەنتى موحاممەد ءمۋرسيدىڭ قارسىلاستارى ودان كايردەگىپرەزيدەنت سارايىن بوساتۋدى تالاپ ەتتى. «رەيتەر» اقپارات اگەنتتىگىنىڭحابارلاۋىنشا, قارسىلاستارى بۇل تالاپتى ەرەۋىل كەزىندە جاساعان.
كايردىڭ سولتۇستىگىندە ەرەۋىلگە شىققان 100 مىڭعا جۋىق ادام پرەزيدەنت سارايىنا قاراي بەتتەگەن. تالاپتارى – م.ءمۋرسيدىڭ 22 قاراشادا قول قويعان كونستيتۋتسيالىق دەكرەتىنىڭ كۇشىن جويعىزۋ. ەرەۋىلشىلەردىڭ كوپشىلىگى پوليتسەيلەردىڭ كوزدەن جاس اعىزاتىن گاز قولدانعانىنا قاراماستان, الاڭداعى شەپتى بۇزىپ وتكەن. ولاردىڭ بىرقاتارى, ءتىپتى پرەزيدەنت سارايىن قورشاعان قابىرعاعا دا شىعىپ كەتكەن سياقتى. قاۋىپسىزدىك قىزمەت ورگاندارىنىڭ ءمالىمەتتەرىنە قاراعاندا, ەل پرەزيدەنتى موحاممەد مۋرسي سارايدى تاستاپ شىعۋعا ءماجبۇر بولعان. قارسىلىق كورسەتۋشىلەر سەركەلەرى بۇل ەرەۋىلدى پرەزيدەنتكە «سوڭعى ەسكەرتۋ» دەپ اتاعان.
زىمىران ۇشىرعىشتى ورناتۋدى اياقتادى
سولتۇستىك كورەيا وزدەرىنىڭ سوحە عارىش ايلاعىنداعى ستارت بەرۋ الاڭىناالىس قاشىقتىققا ۇشاتىن زىمىران ۇشىرعىشىن ورناتۋدى اياقتادى. بۇلجونىندە كەشە وڭتۇستىك كورەيانىڭ «رەنحاپ» اگەنتتىگى حابارلادى.
وڭتۇستىككورەيالىق مامانداردىڭ ەسەپتەۋىنشە, ەگەر ستارت بەرۋگە دايىندىق جوسپار بويىنشا وتەتىن بولسا, وندا 8-9 جەلتوقساندا زىمىران قاجەتتى وتىنمەن تولتىرىلادى. ال ونى ۇشىرۋ 10-12 جەلتوقساندا جۇزەگە اسىرىلادى. سولتۇستىك كورەيا بۇل زىمىراننىڭ ۇشىرىلۋى بەيبىت ماقساتتى كوزدەيتىنىن العا تارتادى. وسى ەلدىڭ اقپارات اگەنتتىكتەرى اتاۋى ناقتى كورسەتىلمەگەن زىمىران وربيتاعا جەر سەرىگىن الىپ شىعاتىندىعىن جازادى.
قورعانىسقا – 631 ميلليارد دوللار
اقش كونگرەسىنىڭ جوعارعى پالاتاسى ەلدىڭ 2013 جىلعا ارنالعان قورعانىسبيۋدجەتى جوباسىن ءبىراۋىزدان ماقۇلدادى. ونىڭ جالپى كولەمى – 631ميلليارد دوللار. بۇل قاراجاتتىڭ 88 ميلليارد دوللارى اۋعانستانداعىاسكەري وپەراتسيالارعا ءبولىنىپ وتىر.
وسىدان ءبىراز ۋاقىت بۇرىن قورعانىس بيۋدجەتىنىڭ جوباسىن اقش كونگرەسىنىڭ تومەنگى پالاتاسى ماقۇلداعان بولاتىن. ەندى, بىرنەشە اپتادان سوڭ, كونگرەسمەندەر مەن سەناتورلار قۇجاتقا قاتىستى كەيبىر ماسەلەلەر جونىندە كەلىسىمگە كەلىپ, ودان كەيىن قۇجات پرەزيدەنتكە قول قويۋعا ۇسىنىلادى. ايتا كەتەيىك, اقش بيلىگى وتكەن جىلدىڭ سوڭىندا الداعى 10 جىل ىشىندە قورعانىس سالاسىنا كەتەتىن شىعىندى 500 ميلليارد دوللارعا قىسقارتۋ مۇمكىندىگى تۋرالى مالىمدەگەن ەدى.
ەكى ءجۇز وتىز ادامعا جەتتى
«رەيتەر» اگەنتتىگىنىڭ تاراتقان اقپاراتتارى بويىنشا, ءفيليپپيننىڭوڭتۇستىگىندەگى مينداناو ارالىندا سوققان جويقىن داۋىل سالدارىنانوپات بولعاندار سانى 230 ادامعا جەتكەن.
مالىمەتتەرگە قاراعاندا, ولاردىڭ 150-دەن استامى داۋىلدان اسا كوپ زارداپ شەككەن دولينا كومپوستەلا پروۆينتسياسىنىڭ, قالعاندارى شىعىس داۆاو پروۆينتسياسىنىڭ تۇرعىندارى سياقتى. سونداي-اق, 100-گە جۋىق ادام حابارسىز كەتكەندەردىڭ قاتارىندا سانالۋدا. وپات بولعاندار نەگىزىنەن تاسقىن مەن اعاشتار قۇلاۋى سالدارىنان اجال قۇشقان كورىنەدى. ەڭ جويقىن «پابلو» داۋىلى فيليپپين جاعالاۋىنا 4 جەلتوقساندا تاڭەرتەڭ جەتكەن ەدى.
انگەلا مەركەل قايتا سايلاندى
گفر كانتسلەرى انگەلا مەركەل داۋىس بەرۋشى دەلەگاتتاردىڭ 97 پايىزداۋىسىنا يە بولىپ, حريستيان دەموكراتيالىق وداعىنىڭ (حدو)جەتەكشىلىگىنە قايتا سايلاندى. بۇل ونىڭ حدو باسشىلىعىنا سايلانعان2000 جىلدان بەرگى ەڭ جوعارى كورسەتكىشى دەپ باعالانۋدا.
سەزدە انگەلا مەركەل حدو جەتەكشىلىگىنە قايتا سايلانۋى ەل ۇكىمەتى باسشىلىعى لاۋازىمىنا كۇرەستىڭ باسى دەپ مالىمدەگەن. «قازىر بەيمازا ۋاقىت, ءبىز تولقىندى تەڭىزدە تۇرعاندايمىز, – دەپتى ول سەزدە سويلەگەن سوزىندە. – بىراق حدو ەلدى وسى تولقىندى تەڭىزدەن ويداعىداي الىپ كەلەدى». كەلەسى جىلدىڭ قىركۇيەگىندە بۋندەستاگ سايلاۋى وتەدى. ەگەر سايلاۋدا حريستيان-دەموكراتتار جەڭىسكە جەتەتىن بولسا, ا.مەركەل قاتارىنان ءۇش رەت گەرمانيا كانتسلەرى بولىپ سايلانادى.
ەڭ قارت تۇرعىن ومىردەن وزدى
جەر شارىنىڭ ەڭ قارت تۇرعىنى دەپ ەسەپتەلەتىن امەريكالىق بەسسي كۋپەر 116 جاسىندا ومىردەن وزدى. «اسسوشەيتەد پرەسس» اگەنتتىگىنىڭ حابارلاۋىنشا,
كەيۋانا دجوردجيا شتاتىنداعى قارتتار ۇيىندە تۇرىپ جاتقان ەكەن.
ب.كۋپەردىڭ تۋىسقاندارىنىڭ ايتۋىنا قاراعاندا, قايتىس بولارىنان بىرنەشە كۇن بۇرىن ول ءىش قۇرىلىسىنا ينفەكتسيا جۇقتىرىپ العان كورىنەدى. كەيۋانا وسى جىلدىڭ قاڭتارىندا جەر شارىنداعى ەڭ قارت ايەل رەتىندە گيننەستىڭ رەكوردتار كىتابىنا ەنسە كەرەك.
قىسقا قايىرىپ ايتقاندا:
رەسەي پرەزيدەنتى ۆلاديمير پۋتين 12 جەلتوقسان – كونستيتۋتسيا كۇنىفەدەرالدى جينالىستا ءوز جولداۋىن جاسايدى. جولداۋ اسا قۇپيا جاعدايداجازىلىپتى.
قىتاي كوممۋنيستىك پارتياسىنىڭ جاڭا باسشىلارى وزدەءرىن كوپشىلىك الدىنداقاراپايىم كورسەتۋگە جانە ۇزىن-سونار ءسوز سويلەۋدەن باس تارتۋعا نيەتتەنىپوتىر.
ريو-دە-جانەيرودا جەمقورلىق جاسادى دەگەن كۇدىكپەن بىرنەشە ونداعانپوليتسەي تۇتقىنعا الىندى. ولارعا جەمقورلىقپەن قاتار, زاڭسىز قارۋجانە ەسىرتكى اينالىمىمەن, سونداي-اق ادام ۇرلاۋمەن اينالىستى دەگەنايىپ تاعىلىپ وتىر.
قىرعىزستان حالىقتىق-پاتريوتتىق پارتياسىنىڭ جەتەكءشىسى, وپپوزيتسيونەرنۇرلان موتۋەۆ ايەل زورلادى دەگەن كۇدىكپەن قاماۋعا الىندى.
ينتەرنەت ماتەريالدارى نەگىزىندە ازىرلەندى.
