ەڭ قيىنى 25 اجىراسقان بۇرىنعى ەرلى-زايىپتىنىڭ بالالارىنىڭ قاي جاقتا قالاتىندىعى سوت ارقىلى انىقتالعان. بۇرىنعى جۇبايلار اراسىندا بالامەن كەزدەسۋدى ۇيىمداستىرۋ تۋرالى 56 ازاماتتىق ءىس قارالىپتى.
بۇل تۋرالى شىمكەنت قالالىق كامەلەتكە تولماعانداردىڭ ءىسى جونىندەگى مامانداندىرىلعان اۋدانارالىق سوتىندا ايتىلدى.
«اجىراسقان اتا-انالار بالالارمەن كەزدەسۋ ۋاقىتىن بەلگىلەۋ تۋرالى الدىمەن ءبىلىم باسقارامالارىنا ءوتىنىش بىلدىرە الادى. بۇل ساتىدا كەلىسىمگە كەلە الماعان اتا-نالار سوتقا جۇگىنىپ, سوت ارقىلى داۋدى شەشۋگە تۋرا كەلەدى. كامەلەتكە تولماعاندارعا قاتىستى ازاماتتىق ىستەردىڭ اراسىندا وسى ساناتتاعى ىستەر ازايماي تۇر. كوبىندە اجىراسقان انالار: بالانىڭ پسيحيكاسىنا اسەر ەتەدى دەگەن سەكىلدى ۋاجدەردى العا تارتىپ, بالانىڭ اكەسىمەن كەزدەسۋ بەلگىلەۋدەن باس تارتىپ جاتادى. ءبىز بىتىمگەرلىككە كەلۋگە ۇندەيمىز», دەيدى شىمكەنت قالالىق كامەلەتكە تولماعانداردىڭ ءىسى جونىندەگى مامانداندىرىلعان اۋدانارالىق سوتى توراعاسىنىڭ مىندەتىن اتقارۋشى فەرۋزا بالتاەۆا.
بىلتىر كامەلەتكە تولماعاندار ىستەرى جونىندەگى سوتقا 348 ازاماتتىق تالاپ ارىز كەلىپ تۇسكەن. 252 ءىس اياقتالىپ, 165 شەشىم شىققان. سونىڭ ىشىندە بالالاررعا جىنىستىق سيپاتتاعى زورلىق ارەكەتىن جاساعان ەكى ازامات تەمىر تورعا توعىتىلعان. ال كامەلەتكە تولماعانداردىڭ اراسىندا توناۋ مەن ۇرلىق قىلمىسى ءورشىپ تۇر, دەيدى سۋديالار.
نۇرشات توكەن,
«Egemen Qazaqstan»
شىمكەنت
