جاس جۇلدىزدار جارقىلى
سەيسەنبى, 11 جەلتوقسان 2012 7:29
ت.جۇرگەنوۆ اتىنداعى قازاق ۇلتتىق ونەر اكادەمياسى ستۋدەنتتەرىنىڭ ماسكەۋدەگى مەملەكەتتىك ەسترادا تەاترىندا تابىستى وتكەن كونتسەرتى ۇلتتىق ەسترادا كەلەشەگىنىڭ جاڭا كوكجيەكتەرىنە ۇمتىلدىرادى
ماسكەۋ كۇنى ب ۇلىڭعىرلاۋ بولعانىمەن, الماتىدان كەلگەن جاس دارىن يەلەرىنىڭ كوڭىلدەرى جايماشۋاق. كولگە بىتكەن كوك قۇراقتاي, وسىنداي بالعىن دا بالاۋسا شاقتا رەسەي استاناسىنداعى الەمگە ايگىلى تەاتر ساحناسىندا ونەر كورسەتۋ باقىتى ەكىنىڭ ءبىرىنىڭ ماڭدايىنا بۇيىرا بەرمەيتىنىن, البەتتە, ولار جاقسى تۇسىنەتىن سياقتى.
سەيسەنبى, 11 جەلتوقسان 2012 7:29
ت.جۇرگەنوۆ اتىنداعى قازاق ۇلتتىق ونەر اكادەمياسى ستۋدەنتتەرىنىڭ ماسكەۋدەگى مەملەكەتتىك ەسترادا تەاترىندا تابىستى وتكەن كونتسەرتى ۇلتتىق ەسترادا كەلەشەگىنىڭ جاڭا كوكجيەكتەرىنە ۇمتىلدىرادى
ماسكەۋ كۇنى ب ۇلىڭعىرلاۋ بولعانىمەن, الماتىدان كەلگەن جاس دارىن يەلەرىنىڭ كوڭىلدەرى جايماشۋاق. كولگە بىتكەن كوك قۇراقتاي, وسىنداي بالعىن دا بالاۋسا شاقتا رەسەي استاناسىنداعى الەمگە ايگىلى تەاتر ساحناسىندا ونەر كورسەتۋ باقىتى ەكىنىڭ ءبىرىنىڭ ماڭدايىنا بۇيىرا بەرمەيتىنىن, البەتتە, ولار جاقسى تۇسىنەتىن سياقتى.
«قازاقستان ەستراداسى – جاڭا ەسىمدەر» اتتى وسىناۋ ەرەكشە كونتسەرت «رەسەي – قازاقستان: ءححى عاسىر» فەستيۆالىنىڭ شىمىلدىعىن جابۋ اياسىندا ءوتىپ, ول ەڭ الدىمەن ەلىمىزدىڭ تۇڭعىش پرەزيدەنتى كۇنىن مەرەكەلەۋ قۇرمەتىنە, سونداي-اق تاۋەلسىز قازاقستان مەن رەسەي اراسىنداعى دوستىق ءراۋىشتى ديپلوماتيالىق قاتىناستاردىڭ 20 جىلدىعىنا ارنالدى. ەكى جاق ءۇشىن دە بىردەي يگىلىكتى ءىس-شارانىڭ ىقىلاستى ۇيىمشىلدىقپەن وتۋىنە رەسەي فەدەراتسياسىنىڭ مادەنيەت مينيسترلىگى, قازاقستاننىڭ مادەنيەت جانە اقپارات, ءبىلىم جانە عىلىم مينيسترلىكتەرى, سونىمەن بىرگە, رەسەيدەگى ءبىزدىڭ ەلشىلىك تاراپىنان قولداۋ بىلدىرىلسە, كونتسەرتتىڭ بارلىق اۋىرتپالىعى مەن جاۋاپكەرشىلىگىن مويىندارىنا الىپ, ىستىق-سۋىعىن ءبولىسكەن تىكەلەي ۇيىمداستىرۋشىلارى ت.جۇرگەنوۆ اتىنداعى قازاق ۇلتتىق اكادەمياسى مەن رەسەيدىڭ فەستيۆالدار, كونكۋرستار جانە شەتەلدەرمەن مادەني ىنتىماقتاستىق ءجونىندەگى حالىقارالىق ورتالىعى ەكەندىگىن ايتا كەتكەن ءلازىم.
وسى اراداعى ۇيلەسىمدىلىكتىڭ ءبىر گابى, بىلايشا ايتقاندا, تابىس كىلتى اتالمىش مەكەمەلەر باسشىلارىنىڭ بەيىل-بەلسەندىلىگىندە جاتقانىن دا اڭعارعاندايمىز. وتكەن جىلعى جەلتوقساننىڭ باسىنداعى كونتسەرتتەرى ماسكەۋلىكتەرگە ۇناپ قالعاندىقتان, رەسەيدىڭ مادەنيەت مينيسترلىگى بيىل قازاق ونەر اكادەمياسىن ءوز استاناسىنا ەكىنشى رەت شاقىرىپ وتىر. رەكتور ارىستانبەك مۇحامەدي ۇلىنىڭ ايتۋىنشا, شاقىرۋشى جاق كونتسەرت شىعىندارىن تۇگەلدەي وزدەرى كوتەرگەن. قازاقتىڭ جاس ونەر جۇلدىزدارى, بالاۋسا دارىندارى اتاقتى ساحنادا ەكىنشى مارتە ءان شىرقاۋعا لايىقتى دەپ تاپقان. ارينە, كورەرمەن تالعامىنا قانىق, كانىگى ۇيىمداستىرۋشىلار مۇنداي شىعىنعا تەكتەن-تەك بارماسا كەرەك. كونتسەرت ءبىر دەممەن تاماشا اياقتالعان كەزدە حالىقارالىق مادەني ورتالىقتىڭ ديرەكتورى ۆلاديمير لينچەۆسكيمەن دە تىلدەسىپ قالۋدىڭ ءساتى تۇسكەن. ۆلاديمير نيكولاەۆيچ قازاقستاننىڭ تۋماسى ەكەن. ءبىراز جىلدار بويى پاۆلودار وبلىستىق فيلارمونياسىنا باسشىلىق ەتىپتى. ماسكەۋدە دە ماڭايىنا قازاقستانعا دەگەن سۇيىسپەنشىلىك ۇرىعىن ەگىپ جۇرەتىنى كورىنىپ تۇر. ارىستانبەك باۋىرىمىزبەن دە ءراۋىشتى دوستىق قاتىناستا ەكەندىگى بايقالدى.
– قازاقستان تاراپىنا ءاردايىم ىزگى جۇرەكتەن شىققان ءىلتيپاتتى لەبىزدەرىمدى ايتا جۇرەمىن, – دەيدى ۆ.لينچەۆسكي ءالى جاڭا عانا تىڭداعان اندەردىڭ عاجاپ اسەرىنەن ارىلا الماعان قالپىندا. – كونتسەرتتىڭ باسى جاقسى باستالدى, جالعاسى ودان دا تاماشا بولدى. سىزدەردىڭ جاستارمەن بىرگە ءوزىمىز دە ءوسىپ, كوڭىلىمىز كوركەيىپ قالدى. ۇلتتىق ورنەك تە, ورىس اندەرى دە جەتەرلىك. مۇنىڭ ءوزى بار جاعىنان ماسكەۋلىك كورەرمەنگە دەگەن قۇرمەت قوي. سونىمەن بىرگە, الەمدىك كلاسسيكا مەن ەسترادا مادەنيەتىنە زور قۇشتارلىقپەن كىرگەن, تابيعي كىرىگە بىلگەن.
ت.جۇرگەنوۆ اكادەمياسى تالانتتارىنىڭ ونەرىن وسىلاي باعالاي كەلە, ۆلاديمير نيكولاەۆيچ ەكى ەلدىڭ دوستىعىمەن ورنەكتەلگەن وسىنداي كونتسەرتتەردىڭ الداعى ۋاقىتتا داستۇرگە اينالاتىندىعىنا ءۇمىتتەنەتىنىن ايتتى. قازاق ونەرىنىڭ ماسكەۋدەگى وسىنداي ۇلكەن جۇرەكتى جاناشىر دوسىنا قازاقستاننىڭ ەڭبەك سىڭىرگەن مادەنيەت قىزمەتكەرى اتاعى بەرىلگەندىگى, ونىڭ ءوز ەلىمىزدىڭ «دوستىق» وردەنىن تاعىپ ءجۇرۋى قانداي عانيبەت.
ءبىزدىڭ جاس تالانتتاردىڭ ونەرىن تاماشالاۋعا كەلگەن قاۋىمنىڭ تەاتر زالىن لىق تولتىرۋى ماسكەۋدە قازاقستاننىڭ دوستارى كوپ ەكەندىگىنىڭ تاعى ءبىر ايعاعى دەپ بىلدىك. وسى تىلەكتەس الەۋمەتكە قازاقستاندىق ورەندەر وتكەن جىلعىدان دا ايشىقتىراق ونەر كورسەتكەنى ايقىن سەزىلىپ تۇردى. مەنىڭ جاي تىڭدارمان رەتىندە قىزىعا نازار اۋدارعانىم: ءاربىر نومىردەن كەيىن «براۆو» دەگەن دەلەبە قوزدىرار ريزاشىلىق ۇندەرى, شات ايقايلار قۇلاق تۇندىردى. ورىستىڭ «براۆوسى» قازاقتىڭ «بارەكەلدىسى» عوي. ءار رەتتەگى سول «براۆولاردى» ەستىگەن سايىن ىشتەي شۇكىرانامازدى ايتىپ, كوكتەمدەگى كوكتەي قاۋلاعان جاۋقازىن جاستارىمىزعا ءبىز دە «بارەكەلدى!» دەپ مارقايا مەرەيلەنىپ وتىرعانىمىزدى نەسىن جاسىرايىق.
گۇل جايناپ, قۇلپىرا تۇرلەنگەن قازاق اندەرى, ورىس كومپوزيتورلارىنىڭ شىعارمالارى, الەمدىك ءان جاۋھارلارى عاجاپ ورىندالعانى سونشالىق, پىكىر ايتۋشى كورەرمەندەر كونتسەرتتىك باعدارلامانى رەسەي مەن قازاقستاننىڭ تاڭداۋلى تەلەارنالارىندا جارقىراتا كورسەتۋگە ابدەن لايىقتى دەپ باعالادى. ارىستانبەك مۇحامەدي ۇلى ايتسا ايتقانداي, تىڭداۋشىسى كەلىسكەن ماسكەۋدىڭ كونتسەرتتىك زالدارى وزىندىك سىناق الاڭى ەكەنى دە راس-اۋ. ولاي بولسا, ەسترادا تەاترىنىڭ ساحناسىندا ونەر كورسەتۋى قازاقتىڭ جاس دارىندارىنىڭ ومىرىندە وشپەس ءىز قالدىرارى دا ءسوزسىز. كىم بىلەدى, كەلەشەكتە وسىناۋ ورەن ستۋدەنتتەر اراسىنان ۇلتتىق ونەرىمىزدىڭ داڭقىن اسىرىپ, ماقتانىشىنا اينالار ەرەن تۇلعالارى شىعاتىن كۇندەر دە الىس ەمەس شىعار. قالاي دەسەك تە, وسى جاس تالاپتارعا – ازىرگە كوپشىلىككە بەلگىسىز ەسىمدەرگە ۇلكەن ساحنادا وزدەرىن تانىتۋعا مۇمكىندىك بەرىلىپ وتىرعانى قۋانتادى.
ستۋدەنتتەرمەن بىرگە قازاقستاننىڭ حالىق ءارتيسى, ونەر اكادەمياسىنىڭ پروفەسسورى روزا رىمباەۆا مەن رەسپۋبليكانىڭ ەڭبەك سىڭىرگەن قايراتكەرى, اكادەميا ۇستازى تولقىن زابيروۆانىڭ ونەر كورسەتۋى جاڭعىرا جالعاسقان ۇرپاق ساباقتاستىعىن پاش ەتىپ, ءوزى دە شىرايلى كونتسەرتتى ودان ءارى كوركەيتىپ جىبەردى. روزا قۋانىشقىزى ناق وسى ساحنادا كەڭەس وداعىنىڭ باسقا دا ارتيستەرىمەن بىرگە ءان قاناتىندا العاش اتويلاي قالىقتاعان الىس جىلداردى, توپ جارعان جالاۋلى جاستىق شاعىن ساعىنىشپەن ەلجىرەي ەسكە الدى.
قازاقستاننىڭ جاس ەستراداسىنىڭ كونتسەرتى قازاقستان تۋرالى اسقاق انمەن باستالۋى زاڭدى ەدى. باۋىرجان رەتباەۆتىڭ ورىنداۋىنداعى مەيىربەك اتاباەۆتىڭ وسىناۋ كەڭ تىنىستى ءانىن مەيىرلەنە تىڭدادىق, كەۋدەنى ەلىمىز بەن جەرىمىزگە دەگەن ءبىر ماقتانىش سەزىمى كەرنەدى. «قازاقستانىم, جەرىم بايتاعىم, ءان ايتسام دا سەن دەپ شىرقاپ ايتامىن», دەپ قايىرماسىنا ىشتەي ىلەسە, ۇندەسە قوسىلىپ وتىردىق. ودان سوڭ بەردىبەك قۇلعاراەۆ, ەرمەك ديدار, ەرجان مۇسىرمانقۇلوۆ, ايداربەك دۇيسەباەۆ, جانەل بولات, باقىتگۇل بەكبەرگەنوۆا, مارحابا سابيەۆا, اينا قالماعامبەتوۆالاردان قۇرالعان ستۋدەنتتەر توبى كەڭەس كومپوزيتورلارىنىڭ بەلگىلى اندەرىنەن پوپپۋري شاشۋىن شاشتى. وسى ءان شاشۋىنان ەرەكشە شۋاق سەبەلەگەندەي, كورەرمەندەر ك ۇلىم قاعىپ قۋانىپ قالدى. ەل مەن ەلدىڭ اجىراماس دوستىعىن, دانەكەردىڭ مىقتىلىعىن دا وسىناۋ ءار جۇرەككە ىستىق «ستارىي كلەن», «حوروشيە دەۆچاتا», «شار گولۋبوي», «پەرۆىم دەلوم سامولەتى», «يا ليۋبليۋ تەبيا جيزن» اندەرىنىڭ سونشالىقتى اسەم ويناقىلىقپەن, جۇرەك قىلىن شەرتە قىسقا قايىرىم ورىندالۋى ايعاقتاي بەينەلەپ تۇرعانداي ەدى. ماسكەۋلىك انسۇيەر قاۋىمعا قازاقتىڭ ونەرپاز ورەندەرى ءبىر ءسات وسى پوپپۋري ارقىلى: «ءيا, ءبىز تاۋەلسىز ەلدىڭ جاستارىمىز», بىراق ءبىز سىزدەرگە ادال دوسپىز» دەپ ايتقانداي ەدى. ءبىزدىڭ جاستار ماسكەۋ ساحناسىندا ەل ءيميدجىن وسىلاي كوتەردى, ەل مەرەيىن وسىلاي اسىردى.
كەلەسى پوپپۋري كەزەگى بەلگىلى قازاق سازگەرلەرىنىڭ اندەرىنە بەرىلدى. جوعارىداعى وكتەت قۇرامىندا بولعان سۇيكىمدى قىزدار كۆارتەتى. ءيا, جانەل مەن باقىتگۇل, مارحابا مەن اينا زالعا قازاق اندەرىنىڭ كوگىلدىر كوكتەمىن سىيلاعانداي بولدى. ماسكەۋ تىڭدارمانىن ماحابباتپەن, جاستىق شاقتىڭ جايدارمان كۇنشۋاعىمەن, اق جاۋىندى سەزىمدەرمەن ايالاعان بۇل اندەر «ءومىر وزەن», «ارىس جاعاسىندا», «سىرلاسۋ ءۆالسى», «كەشىكپەي كەلەم دەپ ەڭ», «قايىقتا» ەكەنىن دە ايتا كەتەيىك. قايران, ءشامشى! ءانىڭ سەنىڭ اققانات دوستىق ءراۋىش ەلشىلىگىنە ماڭگىلىك جۇرە بەرەر. ناق وسى ءنومىر الدىڭعىعا قوسا كونتسەرت باعدارلاماسىنداعى ەڭ اسەرلى دە ايماڭداي ءنومىر بولعان سياقتى. ءوز پايىمداۋىمىزدا دا, قاۋىمنىڭ قابىلداۋىندا دا.
وسى جولى ەسترادا ورىنداۋشىلارىمەن بىرگە بيشىلەر دە كەلگەن ەكەن. بۇل – كونتسەرتكە اكادەميانىڭ حورەوگرافيا فاكۋلتەتىنىڭ قوسقان ۇلەسى ەكەنى انىق. قالاي بولعاندا دا, «پاسسودوبل» ءبيى مەن ارىستانبەك مۇحامەدي ۇلىنىڭ «ءۆالسىن» ەۆگەني مويسەەۆ پەن ءمادينا الدامبەرگەنوۆا, راۋان راحىمجانوۆ پەن كسەنيا پاحوموۆالار شىر كوبەلەك ۇيىرىلە, قۇيقىلجىتا شالقىپ, جەڭىل قالىقتاپ, ءناشىنە كەلتىرە ۇسىندى. اكادەميا ستۋدەنتى دانيەل دانلادي ورىنداۋىنداعى جەڭىس سەيدوللا ۇلىنىڭ «قيالي قىز» ءانى دە وزگەشە سانىمەن, ورنەكتى ەكزوتيكاسىمەن, ساحنالىق شابىتتى ەركىندىگىمەن, قىلىقتى ەركەلىگىمەن ەزۋ تارتتىرا, جاقسى قابىلداندى.
ماسكەۋدە ونەر كورسەتكەن ەكى جاس دارىنعا, بايقاۋىمىزشا, ەكى دوسقا ەرەكشە توقتالعىمىز كەلەدى. ونىڭ ءبىرى – ءالي وقاپوۆ. ءيا, ءيا, ءبىر كەزدەردە روزا رىمباەۆانى اشىپ, جۇلدىزىن جارقىراتقان, قازاق ەسترادالىق مۋزىكاسى ءىزاشارلارىنىڭ ءبىرى تاسقىن وقاپوۆتىڭ ۇلى – ءالي. «ات تۇياعىن تاي باسار» دەگەن وسى. ءالي جاستايىنان پيانينومەن اينالىسىپتى. قازىر – ونەر اكادەمياسىنىڭ ستۋدەنتى. اتاقتى اناسىنىڭ كومەگىنە دە, بەدەلىنە دە جۇگىنبەي, ءوز تاعدىرىن ءوزى جاساۋعا ۇمتىلۋدا. سوڭعى ۋاقىتتا ءان ايتا باستاعان. بۇل كۇندە وزىندىك باعىت ۇستانىپ, ەسترادالىق اندەردىڭ ورىندالۋىنا بي ەلەمەنتىن كوبىرەك قوسىپ, كورەرمەندى سولاي جاۋلاعىسى كەلەدى. 21 جاستاعى ىزدەنگىش ءالي ماسكەۋگە اقىن يبراگيم يساەۆتىڭ سوزىنە جازىلعان ءوزىنىڭ «ارمانعا» اتتى ادەمى ءانىن الا كەلىپتى. حورەوگرافيالىق بەينەلى سۋرەتپەن ورنەكتەلگەن, قيمىل ءھام ىرعاق تىلىمەن ايشىقتالعان ءالي وقاپوۆتىڭ ءانى دە ماسكەۋلىك تىڭدارمان جۇرەگىنە ۇيالاپ ۇناعانىن «براۆو!» دەگەن ايقايلار ايتپاي-اق ءبىلدىردى. كونتسەرت باستالار الدىندا عانا اڭگىمەلەسكەنىمىزدە: «ەسترادالىق ءاننىڭ ءارىن كەلتىرىپ, جانىن كىرگىزەتىن – بي عوي, اعا» دەگەن ءالي سوزىنە دە ەندى دەن قويعاندايمىن.
انشىلىك تالانتى ايقىندالىپ, ءار جەردە مويىندالىپ تا ۇلگەرگەن جاستىڭ ءبىرى باتىرجان تازابەكوۆ بولىپ شىقتى. وپەرالىق تابيعي تاماشا داۋىسىمەن مامانداردى تاڭ قالدىرىپ جۇرگەن ول The Jigits توبىنىڭ قۇرامىندا ءان سالادى. بۇل توپ بيىل جازدا يۋرمالادا وتكەن «جاڭا تولقىن» جوباسىندا ءتورتىنشى ورىندى ەنشىلەپتى. سونىمەن بىرگە, باتىرجان رەسەيلىك «جۇلدىزدار فابريكاسى» جوباسىنىڭ دا اقتىق سىنىندا ونەر كورسەتكەن كورىنەدى. پروديۋسەرى – بايعالي سەركەباەۆ. جىل باسىندا «ءسابي» قورى ۇيىمداستىرعان الەۋمەتتىك-مادەني اكتسيا اياسىندا امەريكادا ءان شىرقايدى. سول جولى باعىن سىناماققا دجيليارت اكادەمياسىنداعى تىڭدالىمعا تۇسسە, سىننان ءمۇدىرمەي وتەدى. بىراق ءبىزدىڭ جىگىت ول ءمارتەبەلى وقۋدان باس تارتادى. وسى جولى باتىرجان دۇنيە جۇزىنە ءماشھۇر دەۆيد فوستەردىڭ اندەرىن يتاليان تىلىندە اۋەلەتە ەركىن شىرقاپ, ەلدىڭ ريزاشىلىعىنا ءبولەندى. بۇگىنگى جاس جۇلدىز قازاق ەستراداسىنىڭ ەرتەڭگى باس جۇلدىزىنا اينالسىن دەپ تىلەيىك, اعايىن.
قالاي دەسەك تە, ا.قالماعانبەتوۆا, م.سابيەۆا جانە ج.بولات قۇرامىنداعى قىزدار تريوسى, بەردىبەك قۇلعاراەۆ, دياس ءنۇسىپوۆ, نۇرسايات سەرىكباەۆ, ەرجان مۇسىرمانقۇلوۆ سىندى جاس دارىندار بارىن سالا, جانىن شاعا تاڭعى شىقتاي مولدىرەگەن تاماشا تازا داۋىستارىمەن شىرقاعان, اسەم بيمەن اسەرلەندىرە ءادىپتەلگەن الەمدىك شلياگەرلەر مەن ورىس ءاندەرى, سونىڭ ىشىندە, اسىرەسە ر.كوچچيانتەنىڭ جالپىعا ءماشھۇر «نوتەردام دە پاري» ميۋزيكلى جيىلعان تالعامپاز كوپشىلىكتىڭ كوڭىلىنەن تابىلدى دەي الساق كەرەك. ءبىر عانا تۇيتكىل, شىركىن-اي, وسى جاۋھارلاردىڭ اراسىندا قازاقتىڭ دارقان جانىنىڭ, جازيرا دالاسىنىڭ بەينەسىندەي بولىپ ەسترادامەن ادەمى ۇيلەستىك تاپقان ءبىر-ەكى حالىق ءانى, ءبىرجان سال مەن اقان سەرىلەردىڭ اندەرى جۇرگەندە تىپتەن عاجاپ بولار ەدى-اۋ دەپ ويلاعانبىز. سولاي بولعاندا بۇل كونتسەرتتى كورگەن ادام جالپى قازاق ەستراداسىنىڭ سىر-سيپاتىن, وزىندىك دارالىعىن, ۇلتتىق ناقىشتارىن تەرەڭدەپ تاني تۇسەر ەدى-اۋ دەگەنبىز. ءيا, قازاق ەستراداسىنىڭ ەشكىمگە ۇقسامايتىن ءوز بەت-بەينەسى, ءوز رەپەرتۋارى بولعانى ماقۇل. وسى جايدى الدا ەسكەرە جۇرسەك, قۇبا-قۇپ.
قورىتا ايتقاندا, جۇرگەنەۆتىك ونەرپاز ورەندەردىڭ ماسكەۋدەگى كونتسەرتى اسا بيىك ورەدەن تابىلدى. شەتەلدەرمەن مادەني ىنتىماق ورتالىعىنىڭ فەستيۆالدىق-كونتسەرتتىك ءبولىمىنىڭ باستىعى يننا ششاۆەلەۆا: «وسى كونتسەرتتەن-اق قازاقستاننىڭ ارشىندى ادىمدارمەن دامىپ وتىرعانىن كورەمىز دە سەزەمىز. سىزدەردىڭ جاستارىڭىز وتە دارىندى. سونىمەن بىرگە, ءتاربيە-ادەبى دە عاجاپ. تەحنيكالىق جاراقتانۋى, ءبارى قۇرمەتكە لايىق. قازاقستاننىڭ جاس انشىلەرىن, ولاردىڭ دارقان داۋىستارىن ايتساڭىزشى. وسىنداي كەڭ تىنىستى كۇشتى داۋىستى قازاق ەلىنىڭ تابيعاتى, ۇلان-بايتاق ۇشان دالاسى سىيعا تارتقان بولار. مەن ءوزىم جۇمىس بابىندا قازاقستاندا ءجيى بولىپ تۇرامىن. قازاق حالقىن قۇرمەتتەيمىن», دەپ ايتقان رياسىز سوزدەرى زال تولى بارشا قاۋىمنىڭ كوڭىل كۇيىن بىلدىرگەندەي ەدى.
ۇزاق قول شاپالاقتاۋ ۇستىندە قازاقستاننىڭ جاس دارىندارىنىڭ قۇرمەتىنە ساحناعا رەسەي مادەنيەت مينيسترلىگىنىڭ جانە رەسەي فەدەراتسياسىنداعى قازاقستان ەلشىلىگىنىڭ ىقىلاس گۇلدەرى قويىلدى. ال جۇرەكتەردەگى ىقىلاس بۇدان دا زور دەپ بىلدىك.
قورعانبەك امانجول,
«ەگەمەن قازاقستان».
الماتى – ماسكەۋ – الماتى.
