- سپورتتىق مانسابىمدا تۇڭعىش رەت الەم كۋبوگى كەزەڭىنىڭ فينالىندا ونەر كورسەتتىم. نەگىزى, بورەنە ۇستىندەگى جاتتىعۋدان فينالعا وتەمىن دەگەن ماقسات بولعان. بىراق ىرىكتەۋ كەزەڭىندە قاتەلىككە بوي الدىرىپ, اقتىق سىننان سىرت قالدىم. قۋانىشقا قاراي, ەركىن جاتتىعۋدا ۇزدىكتەرمەن يىق تىرەستىرىپ, شەشۋشى كەزەڭگە ءوتتىم.
قازاقستان قىزدار قۇراماسىنان فينالدا جالعىز ءوزىم عانا سىنعا ءتۇستىم. سوندىقتان, ۋايىم مەن قوبالجۋ باسىم بولدى. ويتكەنى, بارلىعى ساعان سەنىم ارتقاندىقتان, جاۋاپكەرشىلىك اۋىرلاي تۇسەدى.
تاپ وسى قوبالجۋدى جەڭۋ مۇمكىن بولمادى. فينالداعى كورسەتكىشىمە شەكتەن تىس ۋايىمعا سالىنعانىم اسەر ەتكەن سياقتى. الداعى ۋاقىتتا جاقسى ناتيجە كورسەتىپ, ءوزىمدى جاقسى ۇستاۋعا تىرىسامىن, - دەيدى ايدا.
ەسكە سالا كەتەيىك, ايدا باۋىرجانوۆا قازاقستان كومانداسى ساپىندا 2018 جىلعى ازيا ويىندارىنا قاتىسقان بولاتىن.
