«25 اقپاندا ساعات 23.30-دا قاراعاندىدا ساكەن سەيفۋللين كوشەسىندە ءورت شىققانى تۋرالى حابار كەلىپ ءتۇستى. ءورت ءسوندىرۋشى بولىمشەلەر كەلگەن كەزدە «ح.ج.ماقاجانوۆ ات. وبلىستىق تراۆموتولگيا جانە ورتوپەديا ورتالىعى» قمكك وڭالتۋ ورتالىعىنىڭ مەدبيكەلەر بولىمىندە جيھاز, زاتتار, تەرەزە جاقتاۋى, تۇرمىستىق تەحنيكا, اعاش جارلار مەن ءبىرىنشى جانە ەكىنشى قابات جاقتاۋلارى, جالپى الاڭى 20 ش.م. وتقا ورانعان» دەپ حابارلادى تجك رەسمي وكىلى نۇرسۇلتان نۇراحمەتوۆ سەيسەنبىدە.
ول ناقتىلاعانداي, قۇتقارۋ قۇرالدارى جانە زەمبىل ارقىلى 22 ناۋقاس قۇتقارىلىپ, مەدقىزمەتكەرلەردىڭ ۇشەۋى قاۋىپسىز جەرگە شىعارىلدى.
ء«ورت 00.16-دا اۋىزدىقتالدى. قۇتقارىلعاندار ورتالىقتىڭ نەگىزگى بولىمشەسىنە ورنالاستىرىلدى. قازا تاپقاندار مەن زارداپ شەككەندەر جوق. ءورت سەبەبى انىقتالۋدا. وقيعا ورنىندا تجد جەكە قۇرامداعى 52 ادامى مەن 11 بىرلىك تەحنيكاسى جۇمىلدىرىلعان» دەدى ن.نۇراحمەتوۆ.
