Facebook پاراقشاسىندا جاريالانعان «تسيفرلى قازاقستان» مەملەكەتتىك باعدارلاماسىنىڭ اقپاراتى بويىنشا ۋكراينالىقتاردى بارىنەن بۇرىن «سەرگەك» بەينە-باقىلاۋ ينتەللەكتۋالدىق جۇيەسى قىزىقتىرادى.
«بىزگە استاناداعى بەينە-باقىلاۋ جۇيەسىنىڭ جۇزەگە اسۋى وتە ۇنادى. بۇل جوبا بىزدە وسى جىلى جۇزەگە اسىرىلا باستايدى دەپ جوسپارلانۋدا. بىزگە استانانىڭ تاجىريبەسى وتە ماڭىزدى, ونىڭ قالاي جۇزەگە اسقانى ءبىز ءۇشىن ۇلگى», – دەدى Kyiv Smart City جوباسىنىڭ ۇيلەستىرۋشىسى يۋري نازاروۆ.
استانادا «سەرگەك» بەينە-باقىلاۋ جۇيەسىن ەنگىزگەننەن بەرى جول-كولىك وقيعاسى ايتارلىقتاي ازايدى, ال اۋلاداعى قىلمىس ەكى ەسەگە قىسقاردى. استانانىڭ كوپتەگەن تۇرعىندارى «سەرگەك» جۇيەسىن تەك كامەرا دەپ ويلايدى.
بىراق كوشەدەگى شام باعاندارىندا ورناتىلعان «سەرگەك» كامەراسىنىڭ ستاندارتتى ءمودۋلىنىڭ ءوزى كوممۋتاتسيوندى بلوگى بار, دەربەس قۋاتتاعىشتى مەن سىمسىز بايلانىسى بار كامەرا بولىپ تابىلادى. كامەرا جوعارى سەزىمتال وزىندىك رادارمەن جانە نەشە ءتۇرلى داتچيكتەرمەن جابدىقتالعان.
«سەرگەك» بەينە-باقىلاۋ جۇيەسىنىڭ ەرەكشەلىگى: وڭاي قۇرىلادى, سىمسىز, قورشاعان ورتانىڭ زياندى اسەرىنە ءتوزىمدى, ناقتى جاعدايدا كولىكتىڭ مەملەكەتتىك نومىرلەرىن انىقتاۋ مۇمكىندىگىنە يە.
ودان بولەك, بەينە-باقىلاۋ ءمودۋلى جولداعى نىساننىڭ جاعدايىن جانە جىلدامدىعىن انىقتاي الادى. ال, ءمودۋلدىڭ ەكولوگيالىق داتچيكتەرى ناقتى جاعدايدا قورشاعان ورتانىڭ جاعدايىن, سو2 كونتسەنتراتسياسىن, شۋ دەڭگەيى, اتموسفەرالىق قىسىم, ىلعالدىلىق جانە تەمپەراتۋرانى انىقتايدى. بەينەكامەراداعى جانە داتچيكتەردەگى بارلىق اقپارات سىمسىز ارنا ارقىلى سەرۆەرلەرگە جىبەرىلەدى, كەيىننەن احۋالدىق ورتالىقتا وڭدەلەدى.
