ەلوردا اۋماعىندا قوعامدىق قاۋىپسىزدىكتى قامتاماسىز ەتۋ, قىلمىستار مەن قۇقىق بۇزۋشىلىقتاردىڭ الدىن الۋ جانە ەسكەرتۋ ماقساتىندا استانا قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ قىزمەتكەرلەرى مەن پوليتسيانىڭ قوعامدىق كومەكشىلەرى وسى جىلدىڭ 21-23 اقپان ارالىعىندا «قۇقىقتىق ءتارتىپ» جەدەل الدىن الۋ ءىس-شاراسىن وتكىزدى.
ء«ىس-شارا بارىسىندا قوعامدىق ورىندار مەن قالا كوشەلەرىندە قۇقىق بۇزۋشىلىقتاردى الدىن الۋ جانە جولىن كەسۋ بويىنشا قوسىمشا شارالار قابىلداندى, تۇرعىن ءۇي كەشەندەرىنىڭ اۋلالارىندا, ەلوردا تۇرعىندارى مەن قوناقتارى جاپپاي جينالاتىن جانە بوس ۋاقىتتارىن وتكىزەتىن ورىنداردا جاياۋ جاساقتاردىڭ پاترۋلدەۋى كۇشەيتىلدى» دەپ حابارلادى پد جەرگىلىكتى پوليتسيا قىزمەتى باسقارماسى.
ءجاىش 3 كۇندىك قورىتىندىسى بويىنشا پوليتسيا قىزمەتكەرلەرى 40-تان استام قىلمىستى اشىپ, ىزدەۋدە جۇرگەن 6 قىلمىسكەر ۇستالدى.
سونىمەن قاتار 2200-گە جۋىق اكىمشىلىك قۇقىق بۇزۋشىلىق انىقتالدى. ولاردىڭ 600-گە جۋىعى الكوگول ىشىمدىكتەرىن ىشكەنى نەمەسە قوعامدىق ورىندارعا ماساڭ كۇيىندە كەلگەنى ءۇشىن, 300-گە جۋىعى ۇساق بۇزاقىلىق فاكتىسى بويىنشا, 200-گە جۋىعى قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى بويىنشا, ءىىو ەسەبىندە تۇرعان 1000-عا جۋىق ادام تەكسەرىلىپ, 1000-نان استام ادام ازاماتتىق قارۋ يەسى جانە ت.ب. تەكسەرىلدى.
