قازاقستان • 26 اقپان، 2019

اتاسىنىڭ بالالارى

360 رەتكورسەتىلدى

بۇگىندە اينالامىزدا ورىن الىپ جاتقان ءتۇرلى وقيعالار ادامنىڭ ويىن سان-ساققا جۇگىرتپەي قويمايدى. قاپيادا كوز جۇمعان بالا، تاربيەگە كونبەگەن بالا، بۇكىل ءومىرىمىزدىڭ تۇتقاسى بولعان بالا، ءوز ءىسىنىڭ ۇستاسى بولعان بالا... قىسقاسى، بۇكىل ءدۇنيا ءبىر پەرزەنتتىڭ اينالاسىندا شىر كوبەلەك اينالىپ تۇر. «بالاڭ جاقسى بولسا، جەردىڭ ءۇستى جاقسى، بالاڭ جامان بولسا، جەردىڭ استى جاقسى» دەگەن دە وسىندايدا ايتىلادى.

ايتقانداي، ۇل-قىزدى ايتىپ وتىرىپ، بۇگىنگى الەۋمەتتىك ماسەلەلەردەن اتتاپ كەتە المايتىنىڭىز اقيقات. كوپ بالالى انالاردىڭ جاعدايىن جاساۋ، ءۇرىم-بۇتاعىمىزدىڭ كەلەشەگىن قامداۋ سەكىلدى كوكەيكەستى سۇراقتار كۇن سايىن الدىمىزدان شىعاتىن بولدى. باياعىنىڭ ادامدارى «التى ۇل تاپقان انانى حانىم دەسە بولادى» دەپ اسپەتتەسە، بۇگىنگىلەر اۋپىرىمدەپ ءجۇرىپ ءتورت بالا تاپقان ايەلدى توبەسىنە كوتەرۋگە ءتيىستى زامانعا دا تاپ كەلگەن سىڭاي بار. 

دوساي بي ايتقانداي:

ءبىر بالاسى باردىڭ شىعار-شىقپاس جانى بار، 

ەكى بالاسى باردىڭ بولار-بولماس ءحالى بار،

ءۇش بالاسى باردىڭ ءۇش رۋلى ەلدە مالى بار، 

ءتورت بالاسى باردىڭ ءتورت قۇبىلاسى تەڭ بولار، 

بەس بالاسى باردىڭ دەس بەرمەيتىن ءجونى بار، 

التى بالاسى باردىڭ الماي قويماس سانى بار، 

جەتى بالاسى باردىڭ الماي قويماس جانى بار،

سەگىز بالاسى باردىڭ سەرگەلدەڭگە سالار كارى بار، 

توعىز بالاسى باردىڭ تولعاندىرار جولى بار.

ون بالاسى باردىڭ وردا بۇزار قولى بار، – دەپ بۇكىل دالانىڭ ءپالسافاسىنا قالاي-قالاي قاپىسىز «دياگنوز» قويعان دەرسىز!

ەندەشە، ايتپاعىمىز، وسىنشاما ويدى قوزعاپ وتىرعان جاپىراعى جايقالعان بايتەرەكتەي ءبىر اۋلەتتىڭ سۋرەتى.

– 1978 جىلى تۇسىرىلگەن سۋرەتتى «اتاسىنىڭ بالالارى» دەپ اتاعانىم ەستە. بۇل فوتودا قىزىلوردا وبلىسى سىرداريا اۋدانى امانكەلدى اۋىلىنىڭ تۇرعىنى، ءىى دۇنيەجۇزىلىك سوعىسقا باستان-اياق قاتىسقان نۇرماحان ابەنوۆ دەگەن كىسى ءبىر وزىنەن تاراعان نەمەرە-شوبەرەلەرىنىڭ ورتاسىندا وتىر. نەگىزى، كەمپىرى ون بالا تاپقان. سونىڭ ۇشەۋى ءتىرى قالعان كورىنەدى. وسى اۋلەتتىڭ يەسى - نۇرماحان اعامىز سول ءۇش بالادان 9 نەمەرە، 20 شوبەرە كورگەن باقىتتى ادام، – دەيدى قىزىلوردالىق ارداگەر ءفوتوتىلشى بولات وماراليەۆ.

ايناش ەسالي،

«Egemen Qazaqstan» 

الماتى

سوڭعى جاڭالىقتار

تەاتردىڭ ونلاين تارتۋى

رۋحانيات • بۇگىن، 20:42

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

ۇقساس جاڭالىقتار