وقيعا ورنىنا دەرەۋ 4 ءورت ءسوندىرۋشىسى بار ءبىر بولىمشە جىبەرىلەدى. ءۇي يەسى سول جەردە بولعان جانە ۇيدە گاز باللوندارى بار ەكەنىن ەسكەرتەدى. ءورتتىڭ شىعۋىنا گاز باللونىن اۋىستىرۋ كەزىندە قوسپانىڭ تۇتانۋى سەبەپ بولعان. سوندىقتان جەدەل باسقارۋ ورتالىعىنا جارىلىس قاۋپى مۇمكىن ەكەندىگى حابارلانادى. ءبىر ساتتىك قانا مۇمكىندىك. وسى ساتتە ءورت سوندىرۋشىلەر كىشى سەرجانت ا.كولوكولنيكوۆ جانە قاتارداعى جاۋىنگەر د.ماكاروۆ ۇيدەن سىيىمدىلىعى 27 ليترلىك 6 باللون مەن 50 ليترلىك 1 گاز باللونىن سىرتقا شىعارىپ ۇلگەرەدى. ءورت سوندىرۋشىلەرىنىڭ باتىلدىعى مەن بىرلەسكەن جۇمىس بارىسىندا ءورت ءسوندىرىلدى. جارىلىسقا توسقاۋىل قويىلدى. كورشى ۇيلەرگە جانە شارۋاشىلىق قۇرىلىستارعا تاراۋىنىڭ الدىن الدى.
دەپارتامەنتتىڭ ءورت قاۋىپسىزدىگىن باقىلاۋ ءبولىمىنىڭ حابارىنشا, بۇل كۇندەرى وڭىردەگى قالالار, اۋىلداردا, اۋدان ورتالىقتارىندا ءورت قاۋپىنەن ساقتانۋعا باعىتتالعان پروفيلاكتيكالىق ءىس-شارالار جالعاسۋدا. وبلىس بويىنشا رەيدتەرگە بارلىعى 244 ادام قاتىستى. ءۇي-ءۇيدى ارالاپ شىعۋمەن پەشپەن جىلىتاتىن جەكە تۇرعىن ءۇي سەكتورىنىڭ 3938-دەن استام وتباسى قامتىلدى. رەيد بارىسىندا ءوڭىر تۇرعىندارىمەن كەزدەسىپ, پەشتى دۇرىس پايدالانۋ جانە تۇنشىقتىرعىش گازبەن ۋلانۋدان قالاي ساقتانۋ كەرەكتىگى جونىندە ەسكەرتەدى. سونداي-اق تۇرمىسى تومەن جانە كوپ بالالى وتباسىلاردىڭ ۇيلەرىنە ارنايى بەلگى بەرگىش قۇرىلعى داتچيكتەر ورناتۋدا.
ءورت قاۋىپسىزدىگىن باقىلاۋ ءبولىمىنىڭ ۇجىمى مايقايىڭ كەنتىندەگى ءورت ءسوندىرۋ كەزىندە كىشى سەرجانت ارتەم كولوكولنيكوۆ پەن دميتري ماكاروۆ بولىمشەنىڭ قوعامدىق ومىرىنە, سونداي-اق گارنيزوندا وتكىزىلەتىن بارلىق سپورتتىق ءىس-شارالارعا بەلسەندى قاتىساتىنىن ايتادى.
جۋىردا ورىن العان ءورت وقيعاسىندا باتىلدىق كورسەتكەن بەيبىت كۇننىڭ باتىرلارى – ءورت سوندىرۋشىلەر ماراپاتتالدى.
فاريدا بىقاي,
«Egemen Qazaqstan»
پاۆلودار وبلىسى
