ماسەلەن, تاراز قالاسىنداعى تالاي جىلدان بەرى قاراۋسىز قالعان «جەڭىس» ساياباعىنا داڭقتى باتىر باۋىرجان مومىش ۇلىنىڭ ەسكەرتكىشى ورناتىلىپ, ساياباق ءىشى اسەم كۇيگە ەندى. قايرات رىسقۇلبەكوۆ ساياباعى, «ۇشبۇلاق» دەمالىس ورىنى حالىق يگىلىگىنە بەرىلدى.
تاراز قالاسىنىڭ ىبىرايىم سۇلەيمەنوۆ كوشەسىنىڭ بويىنداعى اللەيا دا جاستار جىلىنا وراي «جاستار اللەياسى» دەپ اتالاتىن بولدى. بۇل دا وڭىردەگى جاستار ءۇشىن جاسالىپ وتىرعان يگى جۇمىس. وتكەن جىلى وڭىردە ءوندىرىس سالاسىنىڭ دا ءبىرشاما دامىعانىن ايتۋعا بولادى. ياعني, ءوندىرىس كولەمى 238,5 ميلليارد تەڭگەگە ارتتى. وڭىردە 32 548 ورتا جانە شاعىن كاسىپكەرلىك سۋبەكتىسى تىركەلگەن. ولاردىڭ ينۆەستيتسيا تارتۋ كولەمى بويىنشا دا كورسەتكىشى ارتىپ وتىر. تاراز قالاسىنىڭ وزىنە 69,2 ميلليارد تەڭگە ينۆەستيتسيا تارتىلۋى وتكەن جىلى وڭىردە تۇرعىن ءۇي سالۋ ءۇشىن 43,7 ميلليارد تەڭگە جۇمسالدى. تاراز قالاسىندا 243,7 مىڭ شارشى مەتر تۇرعىن ءۇي بوي كوتەردى. مەملەكەتتىڭ قولداۋىمەن سالىنعان ۇيلەر مەملەكەتتىك باعدارلامالار ارقىلى تۇرعىندارعا بەرىلۋدە.
بىرقاتار ءبىلىم بەرۋ وشاقتارى سالىنىپ, كەيبىرى قايتا جوندەۋدەن وتكەنىن دە ايتا كەتۋ كەرەك. ماسەلەن, ء«شولدالا» ايماعىندا 900 ورىندىق, «بايتەرەك» شاعىن اۋدانىندا 120 ورىندىق مەكتەپ پايدالانۋعا بەرىلدى.
وڭىردە تۋريزم سالاسىن دامىتۋعا دا ايرىقشا كوڭىل بولىنۋدە. «شاحريستان», «اقىرتاس» كەشەندەرىنە ءتيىستى جۇمىستار جۇرگىزىلۋدە. جۋالى اۋدانىنداعى «قارالما» كەشەنى بولاشاقتا ءوڭىر ءتۋريزمىن دامىتۋعا سەرپىن بەرەرى ءسوزسىز.
سەرىكبول بەرىكقوجا,
تاراز قالالىق ءماسليحاتىنىڭ دەپۋتاتى
جامبىل وبلىسى
