«بەينەساباقتار قازاق تىلىندە دۇرىس سويلەۋدى جەتىلدىرۋگە باعىتتالعان جانە كۇندەلىكتى تۇرمىستا ءجيى قولدانىلاتىن مىسالداردان تۇراتىن ديالوگ تۇرىندە تۇسىرىلگەن. ساباقتار ءتىلدى جاڭادان ۇيرەنىپ باستاعان جانە ونى مەڭگەرىپ العاندارعا كومەكتەسەتىن رەسۋرستار جيناقتالعان. قازىرگى ۋاقىتتا Youtube-ارناسىندا «Soyletube» ارناسىنىڭ 8 بەينەروليگى جۇكتەلدى» دەدى مەملەكەتتىك ءتىلدى دامىتۋ قورىنىڭ ديرەكتورى ازات شاۋەەۆ.
سونىمەن قاتار, «Soyle.kz» ونلاين-كۋرسىنىڭ اعىلشىنشا جانە لاتىن گرافيكاسىنداعى نۇسقاسى ىسكە قوسىلعان بولاتىن. بۇگىنگى كۇنى «Soyle.kz» پورتالىندا 115 مىڭنان استام ادام ءتىل ۇيرەنۋدە. پورتال اشىلعالى 5 ميلليوننان استام قازاقستاندىق جانە شەتەلدىك قولدانعان, ال الەۋمەتتىك جەلىلەر ارقىلى كۇندەلىكتى 30 مىڭ ادام قازاق ءتىلىن ۇيرەنەدى.
ايتا كەتسەك, جوبا تۇڭعىش پرەزيدەنت – ەلباسى قورى جانە «Samruk-Kazyna Trust» الەۋمەتتىك جوبالاردى دامىتۋ قورىنىڭ قولداۋىمەن ازىرلەندى.
