سەنات توراعاسى قاسىم-جومارت توقاەۆتىڭ ايتۋىنشا, كونستيتۋتسيالىق نورمالارعا سايكەس پرەزيدەنت ۇلتتىق بانك باسشىسىن تاعايىنداۋعا كەلىسىم بەرۋ سەناتتىڭ ەرەكشە قاراۋىنا جاتادى.
«مەملەكەت باسشىسى ۇلتتىق بانك توراعاسى دانيار اقىشەۆتىڭ وتستاۆكاسىن قابىلدادى. مەملەكەت باسشىسىنىڭ تاپسىرماسى بويىنشا مەن ۇلتتىق بانك توراعاسىن تاعايىنداۋعا كانديداتۋرانى كەلىسۋگە كەلدىم. پرەزيدەنت نۇرسۇلتان نازارباەۆ ەربولات دوساەۆتىڭ كانديداتۋراسىن ۇسىندى. ول ءوز قىزمەتىندە بىلىكتى قارجىگەر رەتىندە كورسەتتى. مەن تاعايىنداۋعا كەلىسىم بەرۋىڭىزدى سۇرايمىن» دەدى پرەزيدەنت اكىمشىلىگىنىڭ توراعاسى اسەت يسەكەشەۆ.
سەناتتىڭ قارجى كوميتەتىنىڭ توراعاسى ولگا پەرەپەچينا دوساەۆ ەكونوميكا جانە قارجى سالاسىندا ۇلكەن تاجىريبەسى بار, ناتيجەلى توپ-مەنەدجەر بولىپ تابىلاتىنىن مالىمدەدى.
پارلامەنت سەناتىنىڭ رەگلامەنتىنە سايكەس ۇسىنىلعان كانديداتۋرا كوميتەتتىڭ كەڭەيتىلگەن وتىرىسىندا تالقىلاندى. سەنات دەپۋتاتتارى دوساەۆتى لاۋازىمعا تاعايىنداۋعا ءبىراۋىزدان كەلىستى.
