«السەيىت» كوپىرى - اۋىل تۇرعىندارىن اۋدان ورتالىعىمەن بايلانىستىراتىن توتە جول. بۇل كوپىر ارقىلى ارال اۋدانىنا قاراستى بىرنەشە ەلدى مەكەننىڭ حالقى قازالىعا قاتىنايتىن ەدى.
- سۋدىڭ كوپ بولىپ, مۇزدىڭ جوعارى دەڭگەيدە قاتۋىنا بايلانىستى تىرەۋىشتەرى وتىرعان. قازىرگى تاڭدا ونى بۇزىپ, قايتادان بەتون تىرەۋىش دايىنداپ جاتىر. جوبانى جاساعان كەزدە بارلىعى زەرتتەلگەن. قازىر قۇرىلىسشىلار كۇندىز-ءتۇنى جۇمىس ىستەپ جاتىر, - دەدى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ەرجان ابدىحالىقوۆ .
«السەيىت» كوپىرىنىڭ قۇرىلىسى وسىدان ەكى جىل بۇرىن باستالعان بولاتىن. جوبا بويىنشا ماۋسىم ايىندا پايدالانۋعا بەرىلۋى كەرەك ەدى.
باقتيار تايجان,
«Egemen Qazaqstan»
قىزىلوردا وبلىسى
