تاجىريبە الماسىپ, دارىستەر وقىدى
جۇما, 3 تامىز 2012 7:42
قىزىلجار وڭىرىندە ۇلتتىق مەديتسينالىق حولدينگ كۇندەرى ءوتىپ, ونىڭ اياسىندا حولدينگ پەن وبلىستىق دەنساۋلىق ساقتاۋ باسقارماسى ءوزارا ىنتىماقتاستىق تۋرالى مەموراندۋمعا قول قويدى. پرەزيدەنت نۇرسۇلتان نازارباەۆ «بولاشاق گوسپيتالى» دەپ اتاعان مەديتسينالىق حولدينگ قۇرامىنداعى جوعارى مامانداندىرىلعان 6 جەتەكشى مەديتسينالىق ورتالىقتىڭ باسشىلارى مەن ماماندارى ەكى كۇنگە سوزىلعان شارا بارىسىندا ەمدەۋ مەكەمەلەرىن ارالاپ, تاجىريبە الماستى.
جۇما, 3 تامىز 2012 7:42
قىزىلجار وڭىرىندە ۇلتتىق مەديتسينالىق حولدينگ كۇندەرى ءوتىپ, ونىڭ اياسىندا حولدينگ پەن وبلىستىق دەنساۋلىق ساقتاۋ باسقارماسى ءوزارا ىنتىماقتاستىق تۋرالى مەموراندۋمعا قول قويدى. پرەزيدەنت نۇرسۇلتان نازارباەۆ «بولاشاق گوسپيتالى» دەپ اتاعان مەديتسينالىق حولدينگ قۇرامىنداعى جوعارى مامانداندىرىلعان 6 جەتەكشى مەديتسينالىق ورتالىقتىڭ باسشىلارى مەن ماماندارى ەكى كۇنگە سوزىلعان شارا بارىسىندا ەمدەۋ مەكەمەلەرىن ارالاپ, تاجىريبە الماستى.
باق وكىلدەرىنە بەرگەن سۇحباتىندا «ۇلتتىق مەديتسينالىق حولدينگ» اق باسقارماسىنىڭ توراعاسى ەلجان ءبىرتانوۆ مۇنداي اكتسيالار تىزبەگىن ەلىمىزدىڭ وڭىرلەرىندە وتكىزۋ داستۇرگە اينالعانىن, ونداعى ماقسات ەلباسىنىڭ حالىققا ارناعان جولداۋىن جانە «الەۋمەتتىك جاڭعىرتۋلار» جونىندەگى تاپسىرمالارىن ورىنداۋ بولىپ تابىلاتىنىن جەتكىزدى. تۇرعىندارعا ساپالى ءارى قولجەتىمدى مەديتسينالىق كومەك كورسەتۋ ماقساتىمەن ەلىمىزدە يننوۆاتسيالىق-مەديتسينالىق تەحنولوگيالاردى وڭىرلەرگە ەنگىزۋ, بىلىكتىلىك كۋرستارىن ۇيىمداستىرۋ جاعدايى جاقسارىپ كەلەدى. اكتسيالار اياسىندا جوعارى ءبىلىمدى مامانداردىڭ دارىستەرىن تىڭداۋ, شەبەرلىك سىنىپتارىن وتكىزۋ ارقىلى جەرگىلىكتى جەرلەردەگى مامانداردىڭ بىلىمدەرىن جەتىلدىرۋگە ايرىقشا ماڭىز بەرىلگەن.
مەملەكەت باسشىسىنىڭ تىكەلەي قولداۋىمەن قۇرىلعان ۇلتتىق مەديتسينالىق حولدينگ مەكەمەلەرىندە جىلىنا 30 مىڭنان استام ناۋقاس ەمدەلسە, ونىڭ 70 پايىزىن وڭىرلەردەن كەلگەندەر قۇرايدى. جىل سايىن 40-تان اسا جاڭا مەديتسينالىق تەحنولوگيا ەنگىزىلەدى. سونىڭ ارقاسىندا كۇنىنە 2000-نان استام ناۋقاسقا كۇردەلى وتا جاساپ, كونسۋلتاتسيالىق كومەك كورسەتۋ مۇمكىندىگى تۋدى. جيىندا «انا مەن بالا ۇلتتىق عىلىمي ورتالىعى» اق باسقارما ءتورايىمى تامارا ۆوششەنكوۆا, «رەسپۋبليكالىق دياگنوستيكالىق ورتالىق» اق باسقارما توراعاسى ءامىر احەتوۆ ءسوز الىپ, ۋاقىت تالابىنان تۋىنداپ وتىرعان پروبلەمالاردى ورتاعا سالدى. «رەسپۋبليكالىق نەيروحيرۋرگيا عىلىمي ورتالىعى, «رەسپۋبليكالىق جەدەل مەديتسينالىق ءجاردەم ورتالىعى» جانە «رەسپۋبليكالىق بالالاردى وڭالتۋ ورتالىعى» اكتسيونەرلىك قوعامدارىنان كەلگەن ماماندار دا وزدەرىن تولعانتقان ماسەلەلەر جونىندە وي ءبولىستى. دەلەگاتسيا قۇرامىنداعى جوعارى ساناتتى ءدارىگەرلەر مەن ماماندار شەبەرلىك سىنىبى ساعاتتارىن وتكىزىپ, كارديولوگيا, گينەكولوگيا, گەپاتولوگيا, ۋرولوگيا جانە باسقا دا سالالار بويىنشا دارىستەر وقىدى.
باقىتجان جولداسوۆا,
جۋرناليست.
سولتۇستىك قازاقستان وبلىسى.
