ايماقتار • 25 اقپان، 2019

بيىل اقتوبە وبلىسىندا 15 جاڭا مەكتەپ سالىنادى

262 رەتكورسەتىلدى

اقتوبە وبلىسىندا وڭىردەگى ءۇشاۋىسىمدى مەكتەپتەردى جويۋ شارالارىنىڭ كەشەنى جۇزەگە اسىرىلىپ جاتىر. قازىرگى تاڭدا اقتوبە قالاسىنداعى التى مەكتەپ پەن وبلىس اۋداندارىندا ورنالاسقان جەتى مەكتەپتە ساباقتار ءۇش اۋىسىمدا وقىتىلادى. ايتا كەتۋ كەرەك، ءبىر جىلدىڭ ىشىندە ءۇش اۋىسىمداعى مەكتەپتەر سانى سەگىز بىرلىككە ازايدى. بۇل جاڭا وقۋ عيماراتتارىنىڭ كوپتەپ سالىنۋىنىڭ ارقاسىندا مۇمكىن بولدى. بۇل تۋرالى اقتوبە وبلىسى اكىمىنىڭ ءباسپاسوز قىزمەتى جازدى.


تەك سوڭعى ءۇش جىلدىڭ ىشىندە وبلىستا 48 جاڭا مەكتەپ پايدالانۋعا بەرىلگەن. ولاردىڭ اشىلۋى ءۇش اۋىسىمدىق وقىتۋ مەن  27 مەكتەپتەگى ورىندار تاپشىلىعى ماسەلەسىن كۇن تارتىبىنەن بىردەن الىپ تاستادى، اپاتتىق جاعدايدا تۇرعان جانە ەسكى توعىز مەكتەپتى، ساماننال سالىنعان 12 مەكتەپتى جويۋعا مۇمكىندىك بەردى. بيىل 15 جاڭا مەكتەپتىڭ قۇرىلىسى اياقتالادى.

جاڭا ءبىلىم بەرۋ نىساندارىنىڭ اراسىندا ەرەكشەلەرى دە بار.

ماسەلەن، دارىندى بالالارعا ارنالعان «اسەم» وقىتۋ-تانىمدىق ورتالىعى. ونىڭ بىرەگەيلىگى بالالاردى وقۋدان ۇزبەي-اق جىل بويى جۇمىس جاساۋىندا. مۇندا بالا تەك دەنساۋلىعىن تۇزەپ، يممۋنيتەتىن نىعايتىپ قانا قويمايدى، سونىمەن قاتار، قاجەت ءبىلىم، جاڭا الەۋمەتتىك تاجىريبە الادى. وقۋ كورپۋسى ۋلترا  زاماناۋي زەرتحانالارمەن جانە وقۋ اۋديتوريالارىمەن جاراقتانعان. وقىتۋدى مەكتەپتەر مەن جوعارى وقۋ ورىندارىنىڭ جەتەكشى وقىتۋشىلارى، سونداي-اق ءارتۇرلى سالالاردا تابىسقا قول جەتكىزگەن كورنەكتى تۇلعالار جۇرگىزەدى.

سونداي-اق، ورتالىق اۋماعىندا ءۇش جاتىن كورپۋسى، جاستار ورتالىعى، سپورتتىق الاڭدار، جەڭىل اتلەتيكامەن اينالىساتىن بازا، حاۋىز بەن ت.ب. ورنالاسقان.

جىل بويى ورتالىقتا ەكى اپتالىق تاقىرىپتىق اۋىسىمدار وتەدى. ءاربىر اۋىسىم الدىڭعىلارىنان باعدارلاماسىنىڭ مازمۇنى بويىنشا ەرەكشەلەنەدى، سوندىقتان بالالارعا لاگەرگە بىرنەشە رەت بارعان قىزىق. اي سايىن مۇندا رەسپۋبليكا مەن شەتەلدەردەن 10-16 جاس ارالىعىنداعى 300-گە جۋىق بالا قابىلدانادى.

تاعى ءبىر نازار اۋدارارلىق نىسان - «سىمبات» جەكە فيزيكا-ماتەماتيكا مەكتەبى جانىنداعى دارىندى بالالارعا ارنالعان مەكتەپ-ينتەرنات.ينتەرنات، ەڭ الدىمەن، اۋىلدىق جەرلەردەن كەلەتىن بالالاردى تەگىن وقىتۋ ءۇشىن اشىلعان بولاتىن. 85 بالا مەملەكەتتىك ءبىلىم بەرۋ تاپسىرىسى اياسىندا وقيدى، تاعى 15 گرانتتى مەكتەپ قۇرىلتايشىلارى بالالاردىڭ وقۋى مەن تۇرۋىنا ءبولدى. بۇگىندە بۇل قازاقستانداعى مەملەكەتتىك-جەكە سەرىكتەستىك اياسىندا جۇزەگە اسىرىلعان وسىنداي جالعىز جوبا.  

جالپى، 2020 جىلعا قاراي اقتوبە وبلىسىنداعى اپاتتىق مەكتەپتەر مەن ۇشاۋىسىمدىق وقىتۋ ماسەلەسىن تولىقتاي جويۋ جوسپارلانىپ وتىر.

 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار