اقش-قا جۇمىس ساپارى اياسىندا ەلىمىزدىڭ دەنساۋلىق ساقتاۋ ءمينيسترىنىڭ مىندەتىن اتقارۋشى ەلجان ءبىرتانوۆ اقش دەنساۋلىق ساقتاۋ جانە الەۋمەتتىك قىزمەت دەپارتامەنتىنىڭ (مينيستر) حاتشىسى الەكسەي ازارمەن كەزدەستى. سونىمەن قاتار, كەزدەسۋگە حاتشىنىڭ دەنساۋلىق ساقتاۋ ماسەلەلەرى جونىندەگى كومەكشىسى (ۆيتسە-مينيستر) ادميرال برەت گيرور قاتىستى. ادميرال برەت گيرور استانا قالاسىندا مەديتسينالىق-سانيتاريالىق العاشقى كومەك (مساك) بويىنشا جاھاندىق كونفەرەنتسياعا قاتىسىپ, سونداي-اق بىرقاتار دەنساۋلىق ساقتاۋ نىساندارىن ارالادى.
كەزدەسۋ بارىسىندا دەنساۋلىق ساقتاۋ سالاسىنداعى ەكىجاقتى ىنتىماقتاستىقتىڭ جاي-كۇيى مەن پەرسپەكتيۆالارى تالقىلاندى. اتاپ ايتقاندا, ەلجان ءبىرتانوۆ اقش-تىڭ مساك جونىندەگى استانا دەكلاراتسياسىن ىلگەرىلەتۋ جونىندەگى دوستار توبىنا كىرگەنى ءۇشىن امەريكا تاراپىنا العىسىن ءبىلدىردى.
بۇدان باسقا تاراپتار وسى جىلدىڭ قىركۇيەك ايىندا بۇۇ باس اسسامبلەياسىندا جوعارى دەڭگەيدەگى كەڭەس كەزىندە دەنساۋلىق ساقتاۋ قىزمەتتەرىمەن جاپپاي قامتۋ بويىنشا «قازاقستان جانە اقش» پاراللەلدى سەسسياسىن ۇيىمداستىرۋ ماسەلەسىن تالقىلادى.
سونداي-اق اۋرۋلاردى باقىلاۋ جانە الدىن الۋ ورتالىعىنىڭ جانە ازىق-ت ۇلىك پەن ءدارى-دارمەكتەردىڭ قاۋىپسىزدىگىن قامتاماسىز ەتۋ ورتالىعىنىڭ جۇمىسى ماسەلەلەرى ايتىلدى. بۇل باعىتتا دەنساۋلىق ساقتاۋ ءمينيسترىنىڭ م.ا. ەلجان ءبىرتانوۆ ءوز ارىپتەسىن ەلىمىزدە جۇرگىزىلىپ جاتقان رەفورمالار تۋرالى حاباردار ەتتى. اتاپ ايتقاندا, تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ جونىندەگى جاڭا كوميتەت قۇرۋ جوسپارى تۋرالى. جاڭا قۇرىلىم ءتۇرلى تاۋارلاردىڭ, ونىڭ ىشىندە ءدارى-دارمەكتەردىڭ جانە ولاردىڭ بولشەك ساۋدا باعالارىنىڭ ساپاسىن باقىلايتىن بولادى. سونداي-اق حالىققا كورسەتىلەتىن مەديتسينالىق قىزمەتتەردىڭ ساپاسىنا باقىلاۋ جاسايتىن بولادى.
ءوز كەزەگىندە, اقش-تىڭ دەنساۋلىق ساقتاۋ باسشىسى تاماق ونىمدەرى مەن ءدارى-دارمەكتەردىڭ قاۋىپسىزدىگىن قامتاماسىز ەتۋ, بالالار اراسىندا ونكولوگيا بويىنشا عىلىمي زەرتتەۋلەر جۇرگىزۋ, دەربەستەندىرىلگەن مەديتسينا بويىنشا ۇلتتىق باعدارلامانى ورىنداۋ بويىنشا جۇمىس تاجىريبەسىمەن ءبولىستى, سونداي-اق وسى ماسەلەلەر بويىنشا تاجىريبە الماسۋ مۇمكىندىگى تۋرالى اڭگىمەلەدى.
كەزدەسۋدە سونداي-اق الماتى قالاسىنداعى ورتالىق رەفەرەنس-زەرتحانانىڭ جۇمىسى ءسوز بولدى. اتاپ ايتقاندا, ەلجان ءبىرتانوۆ ءوز ارىپتەسىنە وسى باعىتتا جۇرگىزىلىپ جاتقان جۇمىستار تۋرالى, سونداي-اق ءبىلىم جانە عىلىم مينيسترلىگى مەن ادىلەت مينيسترلىگى جۇمىلدىرىلعان زەرتحانا قۇرىلىمى تۋرالى اقپارات بەردى. ءوز كەزەگىندە امەريكاندىق تاراپ ناقتى عىلىمي زەرتتەۋلەر مەن ازىرلەمەلەردى جۇرگىزۋدى ۇسىندى.
كەزدەسۋ كەزىندە حاتشىنىڭ دەنساۋلىق ساقتاۋ ماسەلەلەرى جونىندەگى كومەكشىسى (ۆيتسە-مينيستر) ادميرال برەت گيرور استانا قالاسى دەنساۋلىق ساقتاۋ وبەكتىسىنىڭ (10-ەمحانا) دەنساۋلىق ساقتاۋدى قورعاۋ تاسىلدەرى جانە مساك ناتيجەلى جۇمىسىن ىسكە اسىرۋ بويىنشا جۇمىسىنىڭ ۇلگىسىن كەلتىردى. ول بۇل مىسالدى ءاردايىم ارىپتەستەرىنە اتاپ كورسەتەتىنىن اتاپ ءوتتى.
