تابىس تابۋ ماقساتىندا بەيرەسمي كاسىبىن جۇرگىزىپ وتىرعان, جالدامالى جۇمىسكەرلەردىڭ ەڭبەگىن پايدالانباي, جەكە تۇلعالارعا قىزمەت كورسەتەتىن نەمەسە ولاردىڭ جۇمىسىن اتقاراتىن, جەكە قوسالقى شارۋاشىلىقتىڭ ءوزى وندىرگەن اۋىل شارۋاشىلىعى ءونiمiن جەكە تۇلعالارعا عانا وتكىزەتىن جەكە تۇلعالار بجت تولەۋشىلەر بولىپ تانىلادى.
بجت تولەۋشىلەر مىناداي مۇمكىندىكتەردى يە بولادى: بىرىنشىدەن, مىندەتتى مەديتسينالىق ساقتاندىرۋ اياسىندا بارلىق مەديتسينالىق قىزمەت تۇرلەرىنە قول جەتكىزە الادى. مەديتسينالىق ۇيىمدى تاڭداۋ قۇقىعىنا يە بولادى.
ەكىنشىدەن, زەينەتاقى جۇيەسىندە ەڭبەك ءوتىلىن جيناپ, بازالىق جانە جيناقتالعان كومپونەنتتەر ەسەبىنەن ءتيىستى كولەمدە زەينەتاقى الاتىن بولادى. بۇل ورايدا بجت تولەۋشىلەردىڭ بازالىق زەينەتاقى كولەمى ەڭبەك وتىلىنە سايكەس ەسەپتەلەدى.
ۇشىنشىدەن, مىندەتتى الەۋمەتتىك ساقتاندىرۋ جۇيەسىنە قاتىسىپ, ەڭبەك ەتۋ قابىلەتىنەن, اسىراۋشىسىنان ايىرىلۋ جاعدايلارىنا, جۇكتىلىك جانە بوسانۋ, جاڭا تۋعان نارەستەنى اسىراپ الۋ, 1 جاسقا دەيىنگى بالا كۇتىمى بويىنشا الەۋمەتتىك تولەمدەر الۋعا قۇقىلى. بجت تولەۋ ءوز ەركىمەن, قالاۋىمەن جۇزەگە اسىرىلادى. بۇل جۇيەگە قاتىسۋ, قاتىسپاۋ قۇقىعى ازاماتتىڭ ءوز شەشىمىنە بايلانىستى بولادى. بۇل ورايدا بجت تولەمەگەنى ءۇشىن قانداي دا ءبىر جاۋاپكەرشىلىككە تارتۋ شاراسى قاراستىرىلماعان.
بجت مولشەرى رەسپۋبليكالىق جانە وبلىستىق ماڭىزى بار قالا تۇرعىندارى ءۇشىن - 1 ايلىق ەسەپتىك كورسەتكىشتى (2019 جىلى 2 525 تەڭگە), باسقا ەلدى مەكەندەردىڭ تۇرعىندارى ءۇشىن – ايلىق ەسەپتىك كورسەتكىشتىڭ جارتىسىن (2019 جىلى 1 262,5 تەڭگە) قۇرايدى (تۇرعىلىقتى جەرىندە تىركەلۋىنە سايكەس).
بتج تولەۋشى سالىقتىق ورگاندارىنا ەسەپ بەرمەيدى.
بتج ۇلەسى مىناداي:
- 10% - جەكە تابىس سالىعى;
- 20% - مەملەكەتتىك الەۋمەتتىك ساقتاندىرۋ قورىنا الەۋمەتتىك اۋدارىمدار;
- 30% - بىرىڭعاي جيناقتاۋشى زەينەتاقى قورىنا زەينەتاقى جارناسى;
- 40% - الەۋمەتتىك مەديتسينالىق ساقتاندىرۋ قورىنا اۋدارىمدار.
بجت مەملەكەتتىك كورپوراتسيانىڭ ەسەبىنە ەكىنشى دەڭگەيلى بانكتەر مەن كازپوشتا بولىمشەلەرى جانە تەرمينالدارى, سونداي-اق kaspi.kz موبيلدىك قوسىمشاسى ارقىلى تولەۋگە بولادى. بجت قۇرامىنا كىرەتىن الەۋمەتتىك اۋدارىمداردى مەملەكەتتىك كورپوراتسيا ءتيىستى الەۋمەتتىك قورلارعا ءبولۋدى دەربەس جۇزەگە اسىرادى.
تولەمدەردىڭ مەرزىمدىلىگى - ايىنا ءبىر رەت, بىردەن توقسان ءۇشىن, التى ايعا, ءبىر جىلعا الدىن-الا, اركىمنىڭ ىڭعايىنا قاراي تولەۋگە بولادى. بۇل ورايدا, بجت تولەنەتىن ءاربىر ايدى جەكە كورسەتۋ قاجەت.
