Cونداي-اق حالىقارالىق شاراعا سونداي-اق ەلىنەن كەلگەن ساراپشىلار دا قاتىستى.
تاجىريبە الماسۋ الماتى قالاسىندا وتكەن حالىقارالىق ءىس-شارانىڭ – تمد ەلدەرىنىڭ قۇرىلىس سالاسىنداعى باعا بەلگىلەۋ جونىندەگى كوميسسيا وتىرىسىنىڭ شەڭبەرىندە بولدى.
حالىقارالىق ءىس-شارا تمد قاتىسۋشى ەلدەرىنىڭ قۇرىلىس سالاسىنداعى ىنتىماقتاستىق بويىنشا ۇكىمەتارالىق كەڭەسىنىڭ باسشىلىعىمەن ءوتتى جانە قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىمەن («قازقسعزي» اق) ۇيىمداستىرىلدى.
قازىرگى ۋاقىتتا قازاقستان جانە بەلارۋس قۇرىلىستاعى سمەتالىق باعالاردى انىقتاۋ كەزىندە رەسۋرستىق ءادىستى باسشىلىققا الادى, بۇل سمەتالاردى قۇرىلىس ماتەريالدارىنا نارىقتىق باعالاردى ەسەپكە الا وتىرىپ, قالىپتاستىرۋدى ۇيعارادى. قازاقستاندا باعا بەلگىلەۋدىڭ رەسۋرستىق ءادىسى 2015 جىلى قولدانىسقا ەنگىزىلدى, باعا بەلگىلەۋدەگى رەفورمانىڭ ورىنداۋشىسى قازقسعزي بولدى.
ءوز كەزەگىندە, رەسەي وكىلدەرى قۇرىلىستا رەسۋرستىق ءادىستى پايدالانۋعا ءوتۋدى 2022 جىلى جۇزەگە اسىرۋ جوسپارلانىپ وتىرعانى تۋرالى بايانداعان.
حالىقارالىق باسقوسۋدا رعتو (بەلارۋس) ديرەكتورى, كوميسسيا توراعاسى, گەننادي پۋرس كوميسسيانىڭ 2018 جىلعى جۇمىسىنىڭ قورىتىندىلارى تۋرالى ەسەبى ۇسىنىلدى. قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ جانىنداعى قۇرىلىستاعى سمەتالىق نورمالار باسقارماسىنىڭ باسشىسى رابيعا بيسەنوۆا قازاقستان رەسپۋبليكاسىنداعى باعا بەلگىلەۋ جۇيەسىنىڭ دامۋ جولدارى مەن قول جەتكىزىلگەن ناتيجەلەر تۋرالى باياندادى. قازقسعزي نورماتيۆتەردى ازىرلەۋ جونىندەگى ورتالىق ديرەكتورى ارمان حاسەن كەڭەستەن كەيىنگى كەڭىستىك (1991 – 2018) ەلدەرىنىڭ باعا بەلگىلەۋ جۇيەسىنە تالدامالىق شولۋىن ۇسىندى.
ءوز كەزەگىندە, حۋسەين چەليك, تۇركيا ەلىنىڭ قورشاعان ورتا جانە قالا قۇرىلىسى مينيسترلىگى جوعارعى عىلىمي كەڭەسىنىڭ مۇشەسى تۇركيا ەلىنىڭ قۇرىلىسىنداعى باعا بەلگىلەۋگە تانىستىرۋ شولۋىن جۇرگىزدى.
ماڭىزدى جيىندا تمد ەلدەرىنىڭ قۇرىلىس رەسۋرستارىن كودتاۋ جۇيەسىمەن ۇيلەستىرۋ, قۇرىلىستاعى اقپاراتتىق مودەلدەۋ تەحنولوگيالارىنداعى باعا بەگىلەۋ, سونداي-اق ءۆىم-مودەلدەردىڭ سمەتالىق ءاۋديتى ماسەلەلەرى دە قوسا تالقىلاندى.
ايناش ەسالي,
«Egemen Qazaqstan»
الماتى
