ولاردىڭ اراسىندا «جاس كاسىبي مامان» سايىسىنىڭ جەڭىمپازى, اقتوبە تەمىر جولى بولىمشەسىنىڭ اعا ينجەنەرى رۋسلان جۇماعاليەۆ, «كوپفۋنكتسيونالدى قىزمەت كورسەتۋ ورتالىعى» ۇك» اق فيليالىنىڭ سالىقتى ەسەپكە الۋ دەپارتامەنتىنىڭ باس مەنەدجەرى الىبەك مۇراتبەك ۇلى, الماتى تەمىر جولى بولىمشەسىنىڭ ءبولىم باسشىسى انەليا مۇراشەۆا, ماڭعىشلاق ستانتسياسى ءوتب ۆاگون جوندەۋشىسى-باقىلاۋشى قۋاتبەك كوپباەۆ بار.
فورۋمعا سونىمەن قاتار «مەنەدجمەنت جوبا» سايىسىنىڭ جەڭىمپازدارى – شۋ ماشينالاندىرىلعان جول ديستانتسياسىنىڭ ءوتب جەتەكشى ينجەنەر-تەحنولوگى نۇرلان قالىڭعاراەۆ, جامبىل ماگيسترالدىق جەلى بولىمشەسىنىڭ جەتەكشى ينجەنەرى داۋلەتبەك جولداسباەۆ جانە وزگەلەرى دە قاتىستى.
قۇرىلتايعا قاتىسۋشىلار ءوز العان اسەرلەرىمەن ءبولىستى. ر.جۇماعاليەۆ تالقىلاۋعا تۇسكەن تاقىرىپتاردىڭ ماڭىزىن ەرەكشە اتاپ كەتتى. ونىڭ ايتۋىنشا, جاس تەمىرجولشىلار تالقى تەزىنە تۇسكەن بيزنەس مۇمكىندىكتەرى مەن جاڭا تەحنولوگيالاردى قولدانۋ, جاستار كاسىپكەرلىگى پەرسپەكتيۆالارىنا قاتىستى تاقىرىپتارعا ەرەكشە قىزىعۋشىلىقتارىن تاڭىتتى.
وزگە قاتىسۋشىلار «قتج» ۇك» اق جۇزەگە اسىرىپ جاتقان جاستار ساياساتىنىڭ ءساتتى جۇرگىزىلىپ جاتقانىنا نازار اۋدارتتى. كومپانيادا كولىك سالاسىن دامىتۋعا ۇلەس قوسقىسى كەلەتىن جاس قىزمەتكەرلەردىڭ كاسىبي جانە جەكە تۇلعا رەتىندە وسۋىنە جان جاقتى قولداۋ كورسەتىلىپ كەلەدى.
«قتج» ۇك» اق تەمىر جولدىڭ ءار ءتۇرلى ۋچاسكەسىندە جۇمىس ىستەپ كەلە جاتقان جاس قىزمەتكەرلەردىڭ جالپى سانى 52 مىڭنان اسادى.
اتالعان فورۋمدارعا قاتىسۋ جاستاردىڭ ءوز الەۋەتتەرى مەن مۇمكىندىكتەرىن بەلسەندى پايدالانۋعا, ەرتەڭگە دەگەن سەنىمىنىڭ ويانۋىنا جانە جاڭا جەتىستىكتەرگە جەتۋىنە سەرپىن بەرەدى.
