قوستاناي وبلىسىندا وڭدەۋ ونەركاسىبىنىڭ شيكىزات ءوندىرۋدىڭ الدىنا تۇسكەنىنە ءبىراز جىل بولدى. ەسەپتى جىلدا وڭدەۋ سالاسى كاسىپورىندارى 450,4 ملرد تەڭگەنىڭ ونىمدەرىن ءوندىردى. بۇل اسىرەسە, ماشينا جاساۋ ىسىمەن تىعىز بافيلانىستى.
ەسەپتە جەرگىلىكتەندىرۋ جانە قازاقستاندىق قامتىمىن ۇلعايتۋ جونىنەن جۇيەلى جۇمىس جۇرگىزىلىپ جاتقان ماشينا جاساۋدا وتكەن جىلى 13,0% ءوسىم قامتاماسىز ەتىلگەندىگى اتالدى.
ماشينا جاساۋ سالاسىندا بارلىعى 113,5 ملرد تەڭگەنىڭ ونىمدەرى ءوندىرىلدى. نەگىزىنەن جەڭىل اۆتوموبيلدەر قۇراستىرۋدى 2,2 ەسە, جۇك اۆتوموبيلدەرىن - 65,6%, كومبايندار قۇراستىرۋدى 70,2% ۇلعايتۋ ارقاسىندا وسىمگە قول جەتكىزىلدى.
«2018 جىلى 11 766 جەڭىل اۆتوموبيل قۇراستىرىلدى, 2019 جىلعا ارنالعان جوسپاردا 25 مىڭنان استام اۆتوموبيل قۇراستىرۋ كوزدەلگەن بولاتىن. بۇعان كوبىنە وتكەن جىلعى جەلتوقساندا سمس (China National Machinery IMP. & EXP. CORP) اۆتوموبيلدەرىنىڭ يمپورتى مەن ەكسپورتى بويىنشا ترانسۇلتتىق قىتاي مەملەكەتتىك كومپانياسىنىڭ الليۋر كومپانياسى توبىنىڭ كاپيتالىنا ەنۋى ىقپال جاسايتىن بولادى» دەدى ارحيمەد بەگەجان ۇلى.
ءنازيرا جارىمبەت,
«ەگەمەن قازاقستان»
قوستاناي
