ءبولىنىس قۇرامىندا دەپارتامەنتتىڭ قىزمەت سالالارى جانە ىىم ۇۇ №5547 اسكەري ءبولىمىنىڭ ساربازدارى مەن جەكە كۇزەت مەكەمەلەرى, قوعامدىق ۇيىم وكىلدەرى قاتىستى. شارا بارىسىندا كادر جۇمىستارى باسقارماسى قىزمەتكەرلەرى جەكە قۇرام اراسىنداعى ءتارتىپ پەن زاڭدىلىقتىڭ ساقتالۋ بارىسى تۋرالى جەتكىزىپ, جەكە قۇرامدى ماراپاتتاۋ جونىندەگى بۇيرىقتارمەن تانىستىرىپ, تابىستادى. ونىڭ ىشىندە سىر ءوڭىرىنىڭ مارتەبەسىن كوتەرۋگە, قوعامدىق قاۋىپسىزدىكتى قامتاماسىز ەتۋگە قوسقان ۇلەسى ءۇشىن قىزىلوردا وبلىسىنىڭ اكىمى ق.كوشەرباەۆتىڭ العىس حاتىن يەلەنگەن قىزىلوردا قالالىق پوليتسيا باسقارماسىنىڭ يۋۆەنالدى پوليتسيا بولىمشەسىنىڭ باستىعى جاسۇلان ۇكسىكباەۆ ماراپاتتالدى.
سونىمەن قاتار, قىزمەتكەرلەردە بولۋى ءتيىس قارۋ-جاراق زاتتارىنىڭ بار-جوعىن, دەنساۋلىق جاعدايلارىن, قىزمەتكە تۇسەتىن ادامنىڭ ماۋسىم بويىنشا نىساندى كيىم كيۋىن, سىرتقى كەلبەتى جيناقى جانە كەرەك-جاراعىنىڭ اقاۋسىز بولۋىن, ينجەنەرلەر مەن تەحنيكتەر اۆتوكولىك پەن بايلانىس قۇرالدارىنىڭ تەحنيكالىق جاي-كۇيى تەكسەرىلدى. بۇيرىق بەرىلگەننەن كەيىن ۇرمەلى وركەستردىڭ سۇيەمەلدەۋىمەن سالتاناتتى شەرۋ ءجۇرىپ ءوتتى.
