سۋرەتتى تۇسىرگەن: ماقسات ايتباي
قازاقستان حالقى اسسامبلەياسى جەرگىلىكتى فيليال باسشىسى سەيسەمباي جەتپىسباەۆتىڭ ايتۋىنشا دوستىق ۇيىندە اشىلعان «ۇزاق ءومىر ءسۇرۋ» ورتالىعىن «نۇر وتان» پارتياسى وبلىستىق فيليالى مەن جەرگىلىكتى اسسامبلەيا بىرلەسىپ قولعا الدى.
ماقسات-قارت ادامداردىڭ اراسىندا سالاۋاتتى ءومىر سالتىن ناسيحاتتاۋ.
جالپى, جەرگىلىكتى اسسامبلەيا قۇرامىندا 24 ەتنومادەني بىرلەستىك بار.
ارقايسىسىندا 20 ادامنان العاندا 500-گە جۋىعى قارت ادامدار. بارلىعى دا سەرگەك, ورتالىقتاعى حور ۇيىرمەسى, مۋزىكالىق اسپاپتار, حورەوگرافيا بولىمدەرىنە قاتىسادى.
ال, «ۇزاق ءومىر ءسۇرۋ ورتالىعىندا» IT تەحنولوگيالار, سالاۋاتتى ءومىر سالتىن ساقتاۋ, تىلدەردى ۇيرەتۋ كلۋبتارى اشىلدى.
ورتالىقتا زەينەتكەرلەر مەن ارداگەرلەر جاتتىعۋ جاساپ, يوگامەن اينالىسپاق.
- قازىرگى تاڭدا بۇلشىق ەتتى دامىتۋعا ارنالعان سپورتتىڭ جاڭا ءتۇرى - سكانديناۆيالىق ءجۇرىس تۋرالى كوپ ايتىلادى, - دەيدى سەيسەمباي جەتپىسباەۆ.
-وسى ءجۇرىس تۇرىمەن اينالىسۋدى قولعا الماقپىز. دەنساۋلىققا پايداسى زور. ءبىزدىڭ ورتالىق ەگدە جاستاعى جانە زەينەتكەرلەردىڭ دەنساۋلىعىن نىعايتۋعا باعىتتالعان. كەز كەلگەن قالا تۇرعىنى كەلىپ قاتىسا الادى. دارىگەرلەر, سپورت شەبەرلەرى كومەك كورسەتەدى.
وبلىستىق دەنە تاربيەسى جانە سپورت باسقارماسىمەن جاسالعان كەلىسىم نەگىزىندە اپتانىڭ ءار بەيسەنبى كۇنى «شىمىر» باسسەينىندە تەگىن جۇزۋگە بارادى. دەنساۋلىعىنا قاتىستى دارىگەردىڭ انىقتاماسىن الۋ كەرەك.
فاريدا بىقاي,
«ەگەمەن قازاقستان»
پاۆلودار وبلىسى
