استانا قالاسى اكىمدىگىنىڭ «شاراپات» الەۋمەتتىك قىزمەت كورسەتۋ ورتالىعىندا ج ۇلىن نەيروحيرۋرگياسى جانە شەتكى جۇيكە جۇيەسىنىڭ پاتولوگياسى بولىمشەسىنىڭ بىلىكتى ماماندارى ءتۇرلى ناۋقاستاردى تەگىن قاراپ, دياگنوزدارىن انىقتاپ, كونسۋلتاتسيا بەردى. كەڭەس بەرۋ اياقتالعاننان كەيىن ودان ءارى ەمدەۋ مەن تەكسەرىلۋ بويىنشا ۇسىنىمدار بەرىلدى. ال دۇرىس دياگنوز قويا ءبىلۋ ءتيىمدى ەمدەۋدىڭ نەگىزى سانالادى, ءارى پاتسيەنتتى ودان ارعى ەمدەۋدىڭ ءتاسىلىن انىقتاپ بەرەتىنى ايان.
بۇدان وزگە, اتالعان جوبا اياسىندا ورتالىق ءتورت جانە ودان دا كوپ بالالى ايەل جۇمىسكەرلەرىنە دە قولداۋ كورسەتۋدى قولعا العان, مۇنداي كوپبالالى انالاردىڭ سانى 60-تان اسادى ەكەن. بۇعان قوسا, كلينيكا بالالار نەيروحيرۋرگياسى بولىمشەسىندەگى 2 جاسقا دەيىنگى بالالارعا ارنالعان 5 مانەجدى استانا قالاسىنىڭ مامانداندىرىلعان بالالار ورتالىعىنا بەرۋ تۋرالى شەشىم قابىلداپتى.
ايتا كەتەيىك, ورتالىق جىل سايىن 16 مىڭداي ادامعا قىزمەت كورسەتىپ, شامامەن 3000 وپەراتسيا جاسالادى. 2018 جىلدىڭ قورىتىندىسى بويىنشا 4105 پاتسيەنت ەمدەلگەن. ۇلتتىق نەيروحيرۋرگيا ورتالىعىنا كۆوتامەن كەلىپ تۇسەتىن پاتسيەنتتەر ءۇشىن نەيروحيرۋرگيالىق وپەراتسيالاردىڭ بارلىعى دەرلىك تەگىن جاسالادى.
انار تولەۋحانقىزى,
«ەگەمەن قازاقستان»
