اپتانىڭ دۇيسەنبىسى مەن جۇما كۇندەرى تاڭعى ساعات 9:00-دەن 18:00-گە دەيىن جۇمىس ىستەيتىن كەڭسەدە تۇرعىندار 5-10 مينۋتتىڭ ارالىعىندا بۇكىل پوليتسيا قىزمەتىنە قاتىستى سۇراقتارىنا جاۋاپ الا الادى. كومپيۋتەرلەر ورتالىق بازاعا تىركەلگەندىكتەن كولىكتەرگە قاتىستى ايىپپۇلداردى دا كورۋگە مۇمكىندىك بار. ازاماتتار كەڭسەدە ارىز-شاعىمدارىن قالدىرىپ, ءىستىڭ جۇرگىزىلۋ بارىسىن باقىلاي الادى. ەڭ باستىسى, تۇرعىندار كەزەك كۇتىپ, ۋاقىت كەتىرمەيدى.
ازاماتتار تاراپىنان قويىلعان سۇراقتارعا جەرگىلىكتى پوليتسيا قىزمەتىنىڭ, اكىمشىلىك پوليتسيا باسقارماسىنىڭ قىزمەتكەرلەرى, انىقتاۋشىلار, تەرگەۋشىلەر جانە قۇجاتتامامەن قامتاماسىز ەتۋ ءبولىمىنىڭ ماماندارى جاۋاپ بەرەتىن بولادى. اتالعان نىساندا ازاماتتاردى قابىلداۋعا بارلىق جاعداي جاسالىپ, جەدەل باسقارۋ ورتالىعىمەن بەينەباقىلاۋ جۇيەسى تارتىلعان.
پوليتسيا دەپارتامەنتى قىزمەتكەرلەرىنىڭ ايتۋىنشا, فرونت-ءوفيستىڭ اشىلۋى ازاماتتاردان كەلىپ تۇسەتىن وتىنىشتەردىڭ قارالۋ مەرزىمىن قىسقارتىپ, پوليتسيا جۇمىسىنىڭ اشىقتىعىن جانە سۇراقتاردىڭ جەدەل شەشىلۋىن قامتاماسىز ەتەتىن بولادى. سونداي-اق سىبايلاس جەمقورلىقتىڭ تومەندەۋىنە وزىندىك سەپتىگىن تيگىزەدى.
جاڭادان اشىلعان كەڭسە جۇمىسىمەن تانىسقان وبلىس اكىمى جانسەيىت تۇيمەباەۆ حالىققا قىزمەت كورسەتۋدىڭ ساپاسىن جەتىلدىرە ءتۇسۋ كەرەكتىگىن ايتىپ, كەڭسە جۇمىسىنا ساتتىلىك تىلەدى. مۇنان سوڭ, ءوڭىر باسشىسى وبلىستىق پوليتسيا دەپارتامەنتىنىڭ تۇركىستانداعى جاڭا عيماراتىمەن تانىستى.
عالىمجان ەلشىباي,
«Egemen Qazaqstan»
تۇركىستان وبلىسى
