جۇلدە قورى 744 010 ەۆرونى قۇراعان جارىستىڭ تۇساۋكەسەر كەزدەسۋىندە ۋكراينانىڭ وكىلى دەنيس كۋدلانى قاپى قالدىرعان وتانداسىمىز ەكىنشى كەزەڭدە ءيزرايلدىڭ مىقتىسى دەنيس شاپاۆالوۆقا شاڭ قاپتىرىپ كەتكەن ەدى. شيرەك فينالدا ونىڭ جولى رەسەيلىك اندرەي رۋبلەۆپەن قيىستى. 1 ساعات جانە 5 مينۋتقا سوزىلعان باسەكەدە كۋكۋشكيننىڭ ۇستەمدىگى ەش كۇمان تۋعىزعان جوق. ەسەپ – 6:4, 6:1.
جارتىلاي فينالدا ميحايل كۋكۋشكين ۋگو ۋمبەرتپەن كەزدەسەدى. الەمدىك رەيتينگتە 75 ورىندا تۇرعان فرانتسيانىڭ تەننيسشىسى وسى تۋرنيردە ەرنەست گۋلبيس, حورۆاتيالىق بورنا چوريچ جانە گەرمانيالىق ماتتياس باحينگەردەن باسىم تۇسكەن بولاتىن.
عالىم سۇلەيمەن,
«Egemen Qazaqstan»
