- سىبايلاس جەمقورلىققا قارسى مونيتورينگ قورىتىندىسىنا سايكەس, سىبايلاس جەمقورلىق قىلمىس جاساعانى ءۇشىن باتىس قازاقستان وبلىسى بويىنشا 2018 جىلى 41 تۇلعا سوتتالعان. سوتتالعانداردىڭ 35-ءى – لاۋازىمدى تۇلعا بولسا, 6 ادام جەكە تۇلعا رەتىندە ءىستى بولدى. سوتتالعان 35 لاۋازىمدى تۇلعانىڭ 21-ءى – ورتالىق مەملەكەتتىك ورگانداردىڭ اۋماقتىق بولىمشەلەرىندە قىزمەت ەتسە, 9-ى – جەرگىلىكتى اتقارۋشى ورگاندا, ال 5-ءى – كۆازيمەملەكەتتىك سەكتوردا جۇمىس ىستەگەن, - دەيدى بولات المۇقان ۇلى.
جوعارىدا جاۋاپكەرشىلىككە تارتىلعان تۇلعالاردىڭ 13-ءى – پوليتسيا ورگاندارىندا, 2-ءى – ۇلتتىق بانكتە, 2-ءى – مەملەكەتتىك كىرىستەر ورگاندارىندا, 1 ادام – ىشكى مەملەكەتتىك اۋديت مەكەمەسىندە جانە 1 ادام ادىلەت دەپارتامەنتىندە قىزمەت ەتكەن ەكەن.
ال جەرگىلىكتى اتقارۋشى ورگانداردىڭ سوتتى بولعان 9 قىزمەتكەرىنىڭ ىشىندە اقساي قالاسى اكىمىنىڭ مىندەتىن اتقارۋشى, وبلىستىق باسقارما باسشىسى, تۇرعىن ءۇي شارۋاشىلىعى, جولاۋشىلار كولىگى جانە اۆتوموبيل جولدارى ءبولىمى باسشىسى مەن ورىنباسارى, وبلىستىق باسقارمانىڭ ءبولىم باسشىسى بولىپتى.
ب.يساقوۆتىڭ ايتۋىنشا, اكىمشىلىك سىبايلاس جەمقورلىق قۇقىقبۇزۋشىلىقتارىن جاساعانى ءۇشىن 2018 جىلى 5 ادام جاۋاپكەرشىلىككە تارتىلعان. ال مەملەكەتتىك قىزمەتكە كىر كەلتىرەتىن تەرىس قىلىق جاساعانى ءۇشىن 88 تۇلعاعا دا تارتىپتىك جاۋاپكەرشىلىك شاراسى قولدانىلعان.
قازبەك قۇتتىمۇرات ۇلى,
«Egemen Qazaqstan»
باتىس قازاقستان
