وبلىستا اتالعان باعدارلامانى جۇزەگە اسىرۋ ءۇشىن 18 ملرد تەڭگە جۇمسالادى. ونىڭ 10 ملرد تەڭگەسى مەتسەناتتار مەن دەمەۋشىلەرگە تيەسىلى. بۇل قاراجاتقا 2022 جىلعا دەيىن 479 جوبانى ىسكە اسىرۋ جوسپارلانعان.
سونداي-اق, ءوڭىر باسشىسى باعدارلاماعا ءۇن قوسىپ, يگى ىستەرىمەن كوزگە ءتۇسىپ جۇرگەن بىرنەشە قاراعاندىلىقتىڭ ەسىمىن اتادى. ولاردىڭ ىشىندە سپورتشى حابيب نۇرمۇحامەدوۆتى شاقىرىپ, جەتىم بالالارمەن كەزدەسۋ ۇيىمداستىرعان الەكساندر كوروگودوۆ, اعىلشىن ءتىلىن كوپبالالى جانە از قامتىلعان وتباسىلاردىڭ بالالارىنا تەگىن ۇيرەتىپ جۇرگەن ەرلان راحىموۆ, اۋىر سىرقاتتى بالانى اسىراپ العان ماقاجانوۆ اتىنداعى وبلىستىق كلينيكانىڭ ديرەكتورى ەركىن-ءداۋىر قۇرمانعاليەۆ جانە باسقالار بار.
سونىمەن قاتار, ءوڭىر باسشىسى قاراعاندى قالاسىندا ۇلتتىق سپورت تۇرلەرىن دامىتۋ ماقساتىندا اتشابار سالىناتىنىن ايتتى.
– ايماقتا ۇلتتىق سپورت تۇرلەرىنە قىزىعۋشىلىق بىلدىرگەن تۇرعىنداردىڭ قاتارى ءوسىپ كەلەدى. قازىر ءبىزدىڭ ايماقتا 43 مىڭعا جۋىق تۇرعىن ۇلتتىق سپورتتىڭ 11 تۇرىمەن اينالىسادا. تۇرعىندار تاراپىنان كەنشىلەر شاھارىنا يپپودروم كەرەكتىگى تۋرالى وتىنىشتەر تۇسۋدە. ءبىز بۇل ماسەلەنى ەسكەردىك. الداعى ۋاقىتتا مەملەكەتتىك-جەكەمەنشىك ارىپتەستىك نەگىزىندە يپپودروم اشىلادى, – دەدى ەرلان قوشانوۆ.
قايرات ءابىلدا,
«ەگەمەن قازاقستان»
قاراعاندى
