قازاقستان • 22 اقپان، 2019

اقتوبە وبلىسىندا سۋ تاسقىنىنا دايىندىق شارالارى قابىلدانىپ جاتىر

259 رەتكورسەتىلدى

بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا اقتوبە وبلىسى تجد باسشىسىنىڭ ورىنباسارى قايرات قاسىم مالىمدەدى.

ونىڭ ايتۋىنشا، سوڭعى ەكى جىلدا اكىمدىكتەر سۋ تاسقىنى قاۋپى بار وزەندەردىڭ ءتۇبىن تەرەڭدەتۋ، جاعالاۋدى بەكىتۋ جانە تازالاۋ، سۋ بۇرۋ ارناسىن سالۋ، ۋاقىتشا قورعانىس بوگەتتەرىن سالۋ، ەلدى مەكەندەردىڭ اينالاسىن قۇلاتۋ، درەناج جۇيەلەرىن سالۋ جانە جوندەۋ جۇمىستارىن جۇرگىزگەن. ناتيجەسىندە ىرعىز جانە قارعالى اۋداندارىنىڭ 7 ەلدى مەكەنىندە سۋ تاسقىنى قۇبىلىستارىنىڭ تۋىنداۋ قاتەرى جويىلىپ، وبلىس بويىنشا قاۋىپ-قاتەر ايماعىنداعى اۋىلداردىڭ جالپى سانى 42-دەن 35-كە دەيىن تومەندەدى.

ء«بىز قاۋىپ-قاتەر ايماعىندا 35 ەلدى مەكەن ورنالاسقانىن ايتقان كەزدە، وسى جىلى ەلدى مەكەندەردى تولىعىمەن سۋ باسۋى مۇمكىن ەكەنىن ايتىپ تۇرماعانىمىزدى ەسكەرۋلەرىڭىز قاجەت. ولاردىڭ ارقايسىسىندا سۋ باسۋى مۇمكىن ايماققا تەك بىرنەشە كوشە نەمەسە ءتىپتى سۋعا جاقىن ورنالاسقان ۇيلەر دە تۇسەدى. كەيبىر اۋىلداردا 10 جىلدان استام سۋ تاسقىنى تىركەلگەن جوق، بىراق سوعان قاراماستان ءبىز بارلىعىن باقىلاۋدا ۇستايمىز. 2016 جىلى وبلىستىڭ ەلدى مەكەندەرىندە سۋ باسۋ قاۋپىن بولدىرماۋ جانە ازايتۋدىڭ كەشەندى جوسپارى ازىرلەنىپ، وندا نوسەر ارنالارىن سالۋ جانە جوندەۋ، سونداي-اق سۋ تاسقىنىنا قارسى قورعانىس قۇرىلىستارىن سالۋ جانە جوندەۋ سياقتى ءىس-شارالاردى كەزەڭ-كەزەڭمەن ىسكە اسىرۋ كوزدەلگەن. 2017-2020 جىلدارعا ارنالعان سۋ تاسقىنى قاتەرىنىڭ الدىن الۋ جانە جويۋ جونىندەگى شارالار رەسپۋبليكالىق جول كارتاسىنا ەنگىزىلدى، وندا ايماق بويىنشا 44 ءىس-شارا بار»، - دەدى قايرات قاسىم.

اتاپ ايتقاندا، اقتوبە قالاسىندا سۋ تاسقىنى قاۋپى بار قارعالى، جامان-قارعالى، پەسچانكا، بۇتاق، تامدى، ەلەك، سازدى، كۇيەۋ سياقتى 8 وزەندى تازارتۋ، كەڭەيتۋ، ءتۇبىن تەرەڭدەتۋ جانە جاعالاۋدى بەكىتۋ بويىنشا اۋقىمدى جۇمىستار باستالدى. وسىنداي جۇمىستار سۋ تاسقىنى قاۋپى بار ايماقتاعى بارلىق ەلدى مەكەندەردە كەزەڭ-كەزەڭمەن جۇرگىزىلمەك.

ايتا كەتەيىك، ەلدى مەكەندەر اۋماعىنان 165 مىڭ تەكشە مەتردەن استام قار شىعارىلدى. وبلىس اۋماعىندا 165 گيدروتەحنيكالىق قۇرىلىس ورنالاسقان.

سۋ تاسقىنى وقيعاسى شيەلەنىسكەن جاعدايدا دەپ وبلىستىڭ ازاماتتىق قورعاۋ قىزمەتتەرىنىڭ كۇشتەرى مەن قۇرالدارىنىڭ توبى قۇرىلدى، ونىڭ قۇرامىندا 2 مىڭنان استام ادام، 732 بىرلىك تەحنيكا، 105 بىرلىك ءجۇزۋ قۇرالى، 214 بىرلىك موتوپومپ بار.

كوشىرىلەتىن تۇرعىنداردى ورنالاستىرۋ ءۇشىن سىيىمدىلىعى 12 827 ادام بولاتىن 78 پۋنكت دايىندالدى، 111،1 توننا جانار-جاعارماي ماتەريالدارى، 9 513 توننا ينەرتتى ماتەريالدار قورى جاسالىپ، 250 ملن. تەڭگە قارجى قاراستىرىلدى.

سوڭعى جاڭالىقتار

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

كاسىپكەرلەر تىلەگى ەسكەرىلدى

بيزنەس • بۇگىن، 07:40

«موسكۆانىڭ» ماسەلەسى كوپ

ايماقتار • بۇگىن، 07:36

ۇقساس جاڭالىقتار