- بۇل تاقىرىپ وتە وزەكتى. بۇگىندە وبلىستا تۇرعىن ءۇي الۋ ءۇشىن 1 206 كوپبالالى وتباسى كەزەكتە تۇر. وزدەرىڭىز بىلەتىندەي, "نۇرلى جەر" باعدارلاماسى بويىنشا ءبىز كەزەكتە تۇرعانداردىڭ بارلىق 11 ساناتى ءۇشىن جىلىنا 300-گە جۋىق پاتەر سالۋدامىز. وسى ساناتتار بويىنشا كەزەكتە تۇرعانداردىڭ سانى بۇگىنگى تاڭدا 36 مىڭنان اسادى. مۇنداي قارقىنمەن ءبىز, ارينە, جاقىن ارادا باسپاناعا مۇقتاجداردى پاتەرمەن قامتاماسىز ەتە المايمىز, - دەپ اتاپ ءوتتى ايماق باسشىسى.
وبلىس اكىمى وسىعان بايلانىستى قابىلدانعان شەشىمدەر تۋرالى ايتىپ ءوتتى.
بىرىنشىدەن, كەزەكتە تۇرعان كوپ بالالى وتباسىلاردى نەسيەلەندىرۋ ءۇشىن «تۇرعىنۇيقۇرىلىسجيناقبانكىنە» وبلىستىق بيۋدجەتتەن 1 ملرد.تەڭگە بولىنەدى.
- جىلدىق مولشەرلەمەسى 2% قۇرايتىن 15 ملن تەڭگەگە دەيىن نەسيە قاراستىرىلعان. باستاپقى جارنا - 10%. سونىمەن قاتار, كىرىستەرگە قويىلاتىن تالاپتار بەلگىلەنەدى: وتباسىنىڭ ءبىر مۇشەسىنە شاققاندا ەڭ تومەنگى كۇنكورىس دەڭگەيى ءبىر جارىمنان اسپاۋى ءتيىس, ول دەگەنىمىز - 44 547 تەڭگە, - دەپ ءتۇسىندىردى ەرلان قوشانوۆ.
ەكىنشىدەن, وبلىستىق بيۋدجەتتە وسى جىلى باستاپقى جارنانى سۋبسيديالاۋ ءۇشىن تۇرعىن ءۇي سەرتيفيكاتتارىنا 1 ملرد تەڭگە قاراستىرىلعان. كوپبالالى وتباسىلار دا وسى قولداۋدى پايدالانا الادى. مىسالى, پاتەر قۇنى 10 ملن تەڭگە بولسا, تۇرعىن ءۇي سەرتيفيكاتى 1 ملن تەڭگەنى قۇرايتىن باستاپقى جارنانى تولىعىمەن جابادى. الدىن الا ەسەپ بويىنشا, اي سايىنعى تولەم ورتاشا ەسەپتەگەندە 41 مىڭ تەڭگەنى قۇرايدى.
