استانا قالاسىنىڭ جۇمىسپەن قامتۋ, ەڭبەك جانە الەۋمەتتىك قورعاۋ, ينۆەستيتسيالار جانە كاسىپكەرلىكتى دامىتۋ باسقارمالارى جانە «الدار ەۆروازيا» جشس ءوزارا ىنتىماقتاستىق تۋرالى مەموراندۋمعا قول قويدى.
قۇجاتتى بەكىتۋ تاراپتاردىڭ ۇزاق مەرزىمدى سەرىكتەستىگىن قۇرۋعا باعىتتالعان. ماقسات – حالىقتى جۇمىسپەن قامتۋ ورتالىعىندا تىركەۋدە تۇرعان ازاماتتارمەن بىرگە, ەلوردا تۇرعىندارىن جۇمىسقا ورنالاستىرۋ ءۇشىن جاعداي جاساۋ, سونداي-اق استاناداعى «ابۋ-دابي پلازا» كفك جوباسىنىڭ جۇمىسى شەڭبەرىندە كادرلاردى دايارلاۋ جانە قايتا دايارلاۋ.
جاڭا نىساندى پايدالانۋعا بەرۋدىڭ ناتيجەسىندە قولدانىستاعى كاسىپورىنداردىڭ دامۋى ەسەبىنەن ەلوردادا جىل سايىن تۇراقتى 19-20 مىڭ جۇمىس ورنى قۇرىلۋدا. بۇگىنگى تاڭدا ەلوردادا ەكونوميكالىق بەلسەندى حالىق سانى 531,3 مىڭ ادامدى, جۇمىسپەن قامتىلعان حالىق سانى 507,2 مىڭ ادامدى قۇرايدى.
استانانىڭ يندۋستريالدى-يننوۆاتسيالىق جانە الەۋمەتتىك-ەكونوميكالىق دامۋىنىڭ اياسىندا, ء«ابۋ-دابي پلازا» كفك نىساندارىندا جاڭا جۇمىس ورىندارىن قۇرۋ ەلوردامىزدىڭ ەڭبەك نارىعىنداعى جاعدايدى تۇراقتاندىرۋعا مۇمكىندىك بەرەدى.
