سەمەيدە ەل گازەتى «ەگەمەن قازاقستان» گازەتىنىڭ 100 جىلدىق مەرەيتويى جالعاسۋدا. ءبىر كەزدەرى قانىش ساتپاەۆ, شاكەن ايمانوۆ سياقتى قازاقتىڭ ايتۋلى تۇلعالارى ءبىلىم العان مۇحتار اۋەزوۆ اتىنداعى پەداگوگيكالىق كوللەدجدە ءۇرجار اۋدانىنىڭ تۋماسى, الاشورداشى,تۇركولوگ, فيلولوگيا عىلىمدارىنىڭ دوكتورى ەمير ءنادجيپتىڭ 120 جىلدىعىنا ارنالعان كەش ءوتتى.
ءىس-شاراعا «ەگەمەن قازاقستان» گازەتىنىڭ باسقارما توراعاسى دارحان قىدىرالى, الاشتانۋشى تۇرسىن جۇرتباي, تاريحشى عالىم مۇحتاربەك كارىموۆ, اقىن تىنىشتىقبەك ابدىكاكىم جانە كوللەدج ديرەكتورى شاعانگۇل جاناەۆا قاتىستى. جيىنعا ەمير ءنادجيپتىڭ قىزى ەلميرا ەميرقىزى دا كەلدى.
ەمير ءنادجيپ ماقانشى اۋدانى, باقىت اۋىلىندا دۇنيەگە كەلگەن. شىعىستانۋشى عالىم – وسى وقۋ ورنىنىڭ تۇلەگى.
ءىس-شارا بارىسىندا ەمير ءنادجيپتىڭ ساعىنىشى تۋعان جەرى-قازاق ەلى بولعاندىعى تۋرالى ەستەلىكتەر ايتىلدى. سونداي-اق عالىمنىڭ قىزى ەلميرا ەميرقىزى اكەسىنىڭ ادامگەرشىلىگى مەن ۇلتجاندىلىعى تۋرالى ءسوز قوزعادى.
جيىندا ەمير ءنادجيپتىڭ مۇحتار اۋەزوۆپەن بىرگە وسى وقۋ ورنىندا وقىعاندىعى جانە سەمەيدە «يارىش» فۋتبول كومانداسىندا بىرگە ويناعاندىعى تۋرالى ايتىلدى.
كەش سوڭىندا ەمير ءنادجيپتىڭ عىلىمي تاعىلىم تۋرالى كىتاپتارىنىڭ تۇساۋى كەسىلدى.
راۋشان نۇعمانبەكوۆا,
سەمەي
«ەگەمەن قازاقستان»
