ورال قالاسىنداعى ەسكى بولىمشە تۇرعىن ءۇي قۇرىلىس جيناق بانكى كليەنتتەرى ءۇشىن تار بولىپ كەلگەن بولاتىن. بۇرىن قارجىلىق ۇيىم قىزمەتكەرلەرى اۋدانى 500 شارشى مەتردى قۇرايتىن بولىمشەدە كۇن سايىن شامامەن 500-گە جۋىق ادامعا قىزمەت كورسەتەتىن. ال قازىر ايماق تۇرعىندارىنا قولايلى بولسىن دەگەن ماقساتتا اۋدانى 1200 شارشى مەتردى قۇرايتىن جاڭا كەڭسە اشىلىپ وتىر. بولىمشە اۋماعىنىڭ 70%-ى كليەنتتىك ايماققا بەرىلگەن.
جالپى العاندا, بانك وبلىس بويىنشا 68,6 مىڭ ادامعا قىزمەت كورسەتەدى. سالىمشىلاردىڭ ءدال وسى سانى, ياعني وبلىستىڭ ءاربىر ونىنشى تۇرعىنى بولاشاقتا ءۇي الامىز دەپ تۇرعىن ءۇي قۇرىلىس جيناق بانكىندەگى شوتتارىنا قاراجات جيناقتاپ جاتىر. ولاردىڭ دەپوزيتتەرىنە جينالعان قاراجاتتىڭ جالپى سوماسى 34,6 ملرد تەڭگەنى قۇرايدى.
باتىس قازاقستان وبلىسى تۇرعىندارىنىڭ بانك ونىمدەرىنە دەگەن جوعارى سۇرانىسى ولاردىڭ قولجەتىمدىلىگىمەن جانە تۇرعىن ءۇيدى پايدالانۋعا بەرۋ كورسەتكىشتەرىنىڭ جىل سايىنعى وسىمىمەن تۇسىندىرىلەدى, بۇل – وبلىس اكىمدىگىنىڭ ءتيىمدى جۇمىسىنىڭ ناتيجەسى ەكەندىگىنىڭ دە ايعاعى. مىسالى, 2014 جىلى ايماقتا 257,1 مىڭ ش.م. تۇرعىن ءۇي سالىنعان بولسا, 2017 جىلى – 392,2 مىڭ ش.م., ال 2018 ج. ناتيجەسى بويىنشا 432,2 مىڭ ش.م. باسپانا قۇرىلىسى بوي كوتەرگەن.
وسى جىلى پايدالانۋعا بەرىلەتىن تۇرعىن ۇيلەر كولەمىنىڭ بۇدان دا ارتىق بولۋى مۇمكىن. تەك «نۇرلى جەر» مەملەكەتتىك باعدارلاماسى اياسىندا 9 ءۇيدىڭ قۇرىلىسى جوسپارلانىپ وتىر. ولاردىڭ ىشىندە 1 100 پاتەرى تۇرعىن ءۇي قۇرىلىس جيناق بانكى سالىمشىلارىنا بەرىلەتىن بولادى.
- باتىس قازاقستان وبلىسىندا قازاقستاندىقتارعا بەرىلگەن زاەمداردىڭ جارتىسىنان كوبىن تۇرعىن ءۇي قۇرىلىس جيناق بانكى قامتاماسىز ەتەدى. كليەنتتەردىڭ بارىنشا قىسقا مەرزىم ىشىندە قىزمەتتەردى الۋى ءۇشىن ءبىز جاڭا فيليالداردى اشىپ قانا قويماي, سونداي-اق ونلاين-قۇرالداردى دا ەنگىزىپ جاتىرمىز. كەز كەلگەن قازاقستاندىق بانكتىڭ كەڭەس بەرۋشىسىن ۇيىنە نەمەسە جۇمىسىنا شاقىرا وتىرىپ, قاشىقتان دەپوزيت اشا الادى. جاقىندا عانا ءبىز قۋانىش دەپ اتالاتىن ۆيرتۋالدى كومەكشىنى ىسكە قوستىق. بۇل – Telegram-داعى چات-بوت. قۋانىش ء سىزدىڭ دەپوزيتىڭىز جانە كرەديتىڭىز بويىنشا دەربەس اقپاراتتى الۋعا كومەكتەسەدى. تاعى ءبىر نوۋ-حاۋ –بەينە-كابينالار. ولارمەن جاڭا بولىمشە جابدىقتالادى. مۇندا كەزەكتە تۇرماي-اق ۆيرتۋالدى تۇردە بارلىق قاجەتتى اقپاراتتى الۋعا بولادى, - دەپ اتاپ ءوتتى تۇرعىن ءۇي قۇرىلىس جيناق بانكى باسقارما ءبورايىمىنىڭ ورىنباسارى نۇرلان اقشانوۆ.
تۇرعىن ءۇي قۇرىلىس جيناق بانكى جاڭا فيليالمەن بىرگە باتىس قزاقستان وبلىسىندا «Jas Maman» اكتسياسىن ىسكە قوستى. جوبا اياسىندا بانكتە بوس لاۋازىمدار ءبولىندى: بانك 18 بەن 35 جاس ارالىعىنداعى ايماق تۇرعىندارىن شتاتتان تىس كەڭەس بەرۋشىلەر رەتىندە جۇمىسقا قابىلداۋعا دايىن. ۇمىتكەرلەرگە جوعارى جانە ورتا ارنايى ءبىلىمى, سونداي-اق قارجى سالاسىنداعى جۇمىس ءوتىلىنىڭ بولۋىنا قاتىستى قاتاڭ تالاپتار قويىلمايدى.
تسيفرلىق تەحنولوگيالاردىڭ ارقاسىندا بانكتىڭ جاڭا قىزمەتكەرلەرى قىزمەتتەردى قاشىقتان كورسەتە الادى. ياعني كەڭسەدە وتىرۋى مىندەتتى ەمەس. كليەنتتەرگە كەڭەس بەرۋ جانە ولارعا دەپوزيتتەر اشۋ وبلىستىڭ بۇكىل اۋماعى بويىنشا, ءتىپتى ەڭ شالعاي اۋدانداردا دا مۇمكىن بولادى. وسى ورايدا كەڭەس بەرۋشى جۇمىسىن نەگىزگى جۇمىسپەن نەمەسە وقۋمەن قاتار جۇرگىزۋگە رۇقسات بەرىلەدى.
بقو-داعى كەڭەس بەرۋشىلەردىڭ ورتاشا جالاقىسى ايىنا 180 000 تەڭگەنى قۇرايدى. مۇنداي جالاقى جاس ماماندارعا تۇرعىن ءۇي قۇرىلىس جيناق بانكىندەگى شوتتارىنا قاراجات جيناقتاۋعا جانە بولاشاقتا باسپانا ساتىپ الۋعا مۇمكىندىك بەرەدى.
