جاپونياعا اتتانعان قازاقستان كومانداسىنىڭ قاتارىندا دميتري رەيحەرد جوق. ول جاراقاتىنىڭ سىر بەرۋىنە بايلانىستى پارك-سيتيدەگى الەم چەمپيوناتىنان دا سىرت قالعان بولاتىن.
جاپونياعا رەيحەردتىڭ ورنىنا جاس سپورتشى ولەگ تسينن اتتاندى. جاس موگۋلشىلار ءۇشىن تازاكاۆوداعى دودا كراسنويارسكىدە باستالاتىن ۋنيۆەرسيادا الدىنداعى قىزۋ دايىندىق بولماق.
«كوماندادا رەيحەردتەن باسقا وزگەرىس جوق ەكەنىن بايقاعان بولارسىزدار. ونىڭ ورنىنا ولەگ تسينن قاتىسادى. دميتري الەم كۋبوگىنىڭ جالپى ەسەبىندە 5-ءشى ورىندا كەلە جاتقان. بىراق قازىر بۇل ماڭىزدى ەمەس. ءبىز ونىڭ تەزىرەك قاتارعا قوسىلىپ, ورتامىزعا ورالعانىن تىلەيمىز. رەيحەرد الماتىدا وتەتىن الەم كۋبوگىنىڭ فينالدىق كەزەڭىنە قاتىسادى دەگەن ءۇمىتىمىز مول. ماۋسىم اياقتالار تۇستا جاس سپورتشىلارعا كوپ مۇمكىندىك بەرىلەدى. ەرتەڭ ولاردىڭ اۋسەلەسىن بايقايتىن بولامىز», - دەيدى كوماندانىڭ باس باپكەرى ەلەنا كرۋگلىحينا.
قازاقستان كومانداسىنىڭ تولىق قۇرامى تومەندەگىدەي:
ايەلدەر: يۋليا گالىشەۆا, اياۋلىم امرەنوۆا.
ەرلەر: پاۆەل كولماكوۆ, سەرگەي رومانوۆ, الەكساندر گەبەرت, ولەگ تسينن.
جارىس استانا ۋاقىتىمەن ساعات 10.30-دا باستالادى.
