بۇل ەلىمىز بويىنشا دەنساۋلىق ساقتاۋ سالاسىندا سالىنعان بارلىق مەديتسينالىق مەكەمەلەردىڭ 40 پايىزىن قۇرايدى. العاشقى مەديتسينالىق-سانيتارلىق كومەك نىساندارىن سالۋ كەزىندە قۇنى 30 ملن. تەڭگە بولاتىن قۇراما مودۋلدىك قۇرىلىمدار پايدالانىلدى. تيىسىنشە, بۇل شىعىندى 2 ەسەگە قىسقارتادى. تۇركىستان وبلىسى ەلىمىز بويىنشا العاشقى بولىپ مودۋلدىك مەديتسينالىق بەكەتتەردىڭ قۇرىلىسىن قولعا الدى. نەمىس تەحنولوگياسى بويىنشا سالىنىپ, تۇركيادا جاسالعان عيماراتتاردىڭ ارتىقشىلىعى الۋان. بۇل جاڭاشىلدىق ۋاقىت پەن بيۋدجەت قاراجاتىن ايتارلىقتاي ۇنەمدەيدى. ەڭ باستىسى وڭىردەگى شالعاي اۋىلداردىڭ تۇرعىندارى ءۇشىن مەديتسينالىق كومەك كورسەتۋ ماسەلەسى شەشىلدى. مەدپۋنكتتىڭ مودۋلدىك قۇرىلىمىن قۇراستىرۋعا نەبارى 2 اي عانا ۋاقىت كەتەدى. جاڭا مەدپۋنكتەردە فەلدشەر جانە مەدبيكەلەر مەديتسينالىق كومەك كورسەتەدى. ول ءۇشىن مۇندا بارلىق جاعداي جاسالعان. ساپالى ماتەريالداردان سالىنعان جايلى عيماراتتا تاۋلىگىنە ونداعان ناۋقاستاردى قابىلداۋعا مۇمكىندىك بەرەدى.
سونداي-اق, ەلىمىزدە 2018-2025 جىلدارعا ارنالعان دەنساۋلىق ساقتاۋ ينفراقۇرىلىمىن دامىتۋدىڭ 17 وڭىرلىك ماڭىزدى جوسپارلار بەكىتىلىپ ىسكە اسىرىلۋدا. بۇل جوباعا سايكەس, 1231 العاشقى مەديتسينالىق-سانيتارلىق كومەك كورسەتۋ نىساندارىنىڭ قۇرىلىسى قاراستىرىلعان, ولاردىڭ 327-ءى تۇركىستان وبلىسىندا سالىناتىن بولادى.
قازىرگى ۋاقىتتا تۇركىستان وبلىسىندا 6 جاڭا ەمحانا قۇرىلىسى جۇرگىزىلۋدە. اتاپ ايتقاندا, اتاكەنت, مىرزاكەنت, اقسۋكەنت جانە كەنتاۋ, جەتىساي, شاردارا قالالارىندا. مەملەكەتتىك-جەكەمەنشىك ارىپتەستىك اياسىندا تۇركىستان قالالىق ەمحاناسىنىڭ, 610 توسەكتىك وبلىستىق كوپسالالى اۋرۋحانانىڭ, وبلىستىق تۋبەركۋلەزگە قارسى ديسپانسەردىڭ, وبلىستىق ونكولوگيالىق ديسپانسەردىڭ قۇرىلىسىن جۇرگىزۋ جانە تۇركىستان قالاسىنداعى وبلىستىق جەدەل مەديتسينالىق كومەك ستانتسياسىن قايتا قۇرۋ جانە پايدالانۋعا بەرۋ جوسپارلانۋدا.
