وسىعان بايلانىستى, قۇتقارۋشىلار قار قۇرساۋىندا قالعان ازاماتتاردى قۇتقارۋ ءۇشىن ءجيى شىعادى. ماسەلەن, جىلدىڭ باسىنان بەرى 809 ادام قۇتقارىلدى, 182 ادام ەۆاكۋاتسيالانىپ, 380 اۆتوكولىك سۇيرەپ شىعارىلدى.
بقو بايتەرەك اۋدانىندا ورىن العان وقيعا ءبىزدىڭ قۇتقارۋشىلاردىڭ جانكەشتىلىگىنىڭ ايقىن ۇلگىسى.
ماسەلەن, 21 اقپاندا ساعات 12.05-تە بقو تجد بىرىڭعاي كەزەكشىلىك-ديسپەتچەرلىك قىزمەت باسقارماسىنىڭ «112» نومەرىنە بايتەرەك اۋدانى شالعاي (پەرەمەتنوە اۋىلىنان 41 كم) اۋىلدىق وكرۋگىندە كىشكەنتاي ءسابي اۋىرىپ تۇرعانى جانە اۋىلعا باراتىن جولداردى قار باسىپ قالعاندىعى تۋرالى حابارلاما ءتۇستى.
شاقىرۋ تۇسكەننەن كەيىن شالعاي ا. جول جوقتىعىنا بايلانىستى بايتەرەك اۋدانىنىڭ تجب قىزمەتكەرى, ازاماتتىق قورعاۋ كاپيتانى نيكولاي سلاميحين ەلدى مەكەنگە تەز ارادا جەتۋگە شەشىم قابىلدادى. وسى ماقساتتا بقو تجد جقج قۇتقارۋشىلارى تلەگەنوۆ باتىر مەن كاراباسوۆ ازيلحان جانە 1 بىرلىك تەحنيكا (ترەكول جول تالعامايتىن كولىگى) تارتىلدى.
ەلدى مەكەنگە جەتكەن سوڭ بايتەرە اۋدانىنىڭ واا-سىنا 2018 جىلى تۋىلعان ازامات ي.ۆ. كاشمانوۆ جانە 1990 جىلى تۋىلعان ونىڭ اناسى يۋ.ي.كاشمانوۆا جەتكىزىلدى. جەتىسىمەن ولاردى مەديتسينالىق مەكەمە قىزمەتكەرلەرىنە تاپسىردى. قازىرگى ساتتە ءسابي دارىگەردىڭ باقىلاۋىندا.
