ءبىرىنشى كەزەكتەگى ماسەلە
سەيسەنبى, 19 ماۋسىم 2012 7:38
استانادا انا مەن بالا ۇلتتىق عىلىمي ورتالىعىندا «انا مەن بالانىڭ وزەكتى ماسەلەلەرى» اتتى رەسپۋبليكالىق كونفەرەنتسيا ءوتتى.
وعان اكۋشەرلىك جانە گينەكولوگيا, پەريناتولوگيا, پەدياتريا, بالالار حيرۋرگياسى, انەستەزيولوگيا جانە رەانيماتولوگيا سياقتى سالالار بويىنشا ءوز ەلىمىزدىڭ ماماندارى, سونداي-اق, اقش, ۇلىبريتانيا, فرانتسيا, پولشا, گەرمانيا, رەسەي, ۋكراينا سياقتى ەلدەردەن كەلگەن عالىمدار مەن دارىگەرلەر قاتىستى.
ورتالىقتىڭ قۇرىلۋ كۇنىنە تۇسپا-تۇس كەلگەن كونفەرەنتسيادا وتاندىق مەديتسينانى دامىتۋدىڭ بولاشاعى, كلينيكانىڭ جيناقتاعان تاجىريبەسى مەن جەتىستىكتەرى جايلى اڭگىمە قوزعالدى.
سەيسەنبى, 19 ماۋسىم 2012 7:38
استانادا انا مەن بالا ۇلتتىق عىلىمي ورتالىعىندا «انا مەن بالانىڭ وزەكتى ماسەلەلەرى» اتتى رەسپۋبليكالىق كونفەرەنتسيا ءوتتى.
وعان اكۋشەرلىك جانە گينەكولوگيا, پەريناتولوگيا, پەدياتريا, بالالار حيرۋرگياسى, انەستەزيولوگيا جانە رەانيماتولوگيا سياقتى سالالار بويىنشا ءوز ەلىمىزدىڭ ماماندارى, سونداي-اق, اقش, ۇلىبريتانيا, فرانتسيا, پولشا, گەرمانيا, رەسەي, ۋكراينا سياقتى ەلدەردەن كەلگەن عالىمدار مەن دارىگەرلەر قاتىستى.
ورتالىقتىڭ قۇرىلۋ كۇنىنە تۇسپا-تۇس كەلگەن كونفەرەنتسيادا وتاندىق مەديتسينانى دامىتۋدىڭ بولاشاعى, كلينيكانىڭ جيناقتاعان تاجىريبەسى مەن جەتىستىكتەرى جايلى اڭگىمە قوزعالدى.
قازىرگى كەزدە قۇرىلعانىنا 5 جىل بولعان ورتالىق جۇمىسىندا وڭ ناتيجەلەرگە قول جەتكىزىلدى. مىسالى, 2009 جىلى جەلتوقسان ايىندا ابۇعو-دا العاش رەت قازاقستاندا سوزىلمالى ءبۇيرەك جەتىسپەۋشىلىگى بار جاڭا تۋعان نارەستەلەردەگى پەريتونەالدى ديالەزى, زاعيپتىلىقتىڭ الدىن الۋ ءۇشىن نارەستەلەردىڭ كوز تورىن لازەروكواگۋلياتسيالاۋ ەندىرىلدى. ورتالىقتىڭ بازاسىندا ەلىمىزدەگى العاشقى جانە جالعىز نەوناتالدىق حيرۋرگيا (جاڭا تۋعان نارەستەلەر حيرۋرگياسى) بويىنشا وڭىرلىك ۇيلەستىرۋ ورتالىعى جۇمىس ىستەيدى. بيىلعى جىلدىڭ ءساۋىر ايىندا العاش رەت ەلىمىزدە ابۇعو ماماندارى رەسەيلىك ارىپتەستەرىمەن بىرىگىپ, ميەلوبلاستى لەيكوزاعا شالدىققان 14 جاستاعى بالاعا جىلىك مايىن اللوگەندى ترانسپلانتاتسيالاۋ وپەراتسياسىن جاسادى. ورتالىق پاتسيەنتتىڭ قاۋىپسىزدىگىن ارتتىرۋ جانە ەمدەۋ سالاسىن جاقسارتۋ سالاسىنداعى مەديتسينالىق ۇيىمنىڭ «التىن ستاندارتى» سانالاتىن JCI اككرەديتاتسياسىن الا وتىرىپ, حالىقارالىق دەڭگەيگە قول جەتكىزدى.
كونفەرەنتسيا جۇمىسىنىڭ اياسىندا وتاندىق جانە شەتەلدىك ماماندار سەكتسيالىق وتىرىستاردا انا مەن بالانىڭ وزەكتى ماسەلەلەرىن تالقىلادى. مىسالى, كەشە تىڭداۋشىلاردى تۋا بىتكەن دامۋ كەمشىلىكتەرىنىڭ پروفيلاكتيكاسىمەن تۇقىمقۋالاۋشى اۋرۋلاردى قوعامدىق باقىلاۋ قورىنان ماجارلىق مامان ەندريۋ تسەيتسەل تانىستىردى. گەتينگەن ۋنيۆەرسيتەتىنىڭ پروفەسسورى ۆولفگانگ ۆۋتكە (گەرمانيا) گينەكولوگيالىق مەتابولوگيالىق سيندرومداردىڭ الدىن الۋدا جانە ەمدەۋدە قولدانىلاتىن قازىرگى زامانعى امال-ءتاسىلدەرى تۋرالى بايانداما جاسادى.
جالپى, ەكى كۇنگە سوزىلاتىن جيىندا كوپ ماسەلەلەر قارالدى. رەسەيدىڭ پروفەسسورلارى ا.سەمياچكينا مەن و.زينوۆەۆا «ورفاندى اۋرۋلار» تاقىرىبى بويىنشا پراكتيكالىق سەسسيانى, ال پسيحونەۆرولوگيا ءبولىمشەسىنىڭ مەڭگەرۋشىسى ا.جاقسىباەۆا, فرانتسۋز جانە اعىلشىن پروفەسسورلارى وليۆە ديۋلاكا مەن كولينا كەننەدي, وتانداسىمىز م.ل.دەپەسوۆانىڭ قاتىسۋىمەن اۋىر ەپيلەپيالىق ەنتسەفالوپاتيا بويىنشا سەسسيا جۇرگىزدى. بارلىعى گاستروەنتەرولوگيالىق, رەۆماتيزم جانە ەندوكريندى اۋرۋلاردى ەمدەۋدىڭ وزەكتى ماسەلەلەرىنە بايلانىستى 5 پراكتيكالىق سەسسيا وتكىزىلدى. سونىمەن بىرگە, ءىس-شارانىڭ ونلاي-ترانسلياتسيا ارقىلى شەبەرلىك-سىنىپتارى وتكىزىلىپ, وتالار جاسالدى.
داستان كەنجالين,
«ەگەمەن قازاقستان».
