ۇكىمەت باسشىسىنىڭ ورىنباسارى «س.م. كيروۆ اتىنداعى زاۋىت» اق-دا بولىپ, «تسيفرلىق قازاقستان» مەملەكەتتىك باعدارلاما اياسىندا اتقارىلىپ جاتقان جۇمىستارمەن تانىستى. زاۋىت تەلەمەحانيكالىق, راديوبايلانىستىق بولشەكتەر جاساۋمەن اينالىسادى. بۇگىندە ساندىق ەفيرلىك جانە سپۋتنيكتىك تەلەۆيدەنيەگە ارنالعان قۇرىلعىلار سۇرانىسقا يە. وسىعان وراي ءىرى كومپانيالارمەن كەلىسىمشارت جاسالىپ, تەحنولوگيالىق جاڭعىرتۋعا ۇلكەن كوڭىل ءبولىنىپ كەلەدى.
اسقار قۋانىش ۇلى ۇجىممەن كەزدەسۋ كەزىندە ءوڭىر ەكونوميكاسىنىڭ بارلىق سالاسىنا تسيفرلىق وزىق ادىستەردى ەنگىزۋ قاجەتتىگىن, مۇنىڭ ءوزى ەڭبەك ونىمدىلىگىن ارتتىرۋعا ايتارلىقتاي ىقپال ەتۋمەن قاتار ساپا مەن جەدەلدىلىككە دە اسەرى زور ەكەنىن اتاپ ءوتتى.
بۇدان كەيىن پەتروپاۆل اۋىر ماشينا جاساۋ زاۋىتىنا ايالداپ, نەگىزگى جۇمىس باعىتتارىمەن تانىستى. مۇندا گاز-مۇناي سالاسىنا ارنالعان جابدىقتار مەن قۇرىلعىلار شىعارىلادى. جاڭعىرتۋ جانە تەحنيكالىق وزگەرىستەر شارالارى دايەكتىلىكپەن جۇزەگە اسىرىلىپ كەلەدى. تسيفرلاندىرۋ ەڭ ماڭىزدى باعىتتاردىڭ ءبىرى سانالادى. كەلىسىمشارتتار ناتيجەسىندە تاپسىرىس پورتفەلى مولايىپ, جۇمىسشى-قىزمەتكەرلەردىڭ جالاقىسى كوبەيگەن.
ا. جۇماعاليەۆ ونەركاسىپ ونىمدەرىنىڭ ءوندىرىسىن تەحنولوگيالىق جاعىنان ۇزدىكسىز جاڭعىرتۋ, ساپانى باستى نازاردا ۇستاۋ, ۇزدىك جوبالارعا قولداۋ جاساۋ, جاڭا تسەحتاردى ىسكە قوسۋ, ينۆەستيتسيا تارتۋ ماسەلەلەرى بويىنشا بىرقاتار مىندەت جۇكتەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
