قازاقستان • 21 اقپان، 2019

بيىل 65 مىڭ ءىرى قارا ساتىپ الۋعا اقشا بولىنەدى

248 رەتكورسەتىلدى

ەتتى مال باسىنىڭ سانىن ارتتىرۋ جانە ساپاسىن جاقسارتۋ ءۇشىن ەتتى مال شارۋاشىلىعىن دامىتۋدىڭ 2018-2027 جىلدارعا ارنالعان باعدارلاماسى شەڭبەرىندە فەرمەرلىك شارۋاشىلىقتاردى دامىتۋ جانە قارجىلىق قولداۋ جۇزەگە اسىرىلىپ جاتىر. بۇل تۋرالى اشم ءباسپاسوز قىزمەتى حابارلادى.

وتباسى فەرمالارى تۇرىندە شاعىن شارۋاشىلىقتاردى قۇرۋ سالالىق باعدارلامانىڭ نەگىزىنە جاتتى، ولار 100 باسقا دەيىن ىقم ءوسىرۋ بويىنشا فەرمەرلىك شارۋاشىلىقتاردان، ونەركاسىپتىك مال جەمدەيتىن ورىنداردان جانە زاماناۋي ەت وندىرەتىن كەشەندەردەن تۇراتىن زاكىرلى كووپەراتسيا نىسانىندا قۇرىلاتىن بولادى.

ءاشتو-ءىن يمپورتتىق ىقم باسىن ساتىپ الۋ ءۇشىن نەسيەلەندىرۋگە باعىتتالعان «سىباعا» باعدارلاماسىنا قاتىساتىن فەرمەردىڭ اگرارلىق نەسيە كورپوراتسياسى نەسيە قاراجاتى ەسەبىنەن ءوزىنىڭ جەكە تولدەيتىن مال باسىن قالىپتاستىرۋعا، سونداي-اق جوعارى ءونىمدى اسىل تۇقىمدى بۇقالاردى پايدالانىپ، ءتولدىڭ ءونىمدى كورسەتكىشتەرىن جاقسارتۋعا، جەم-ءشوپ، تەحنيكا جانە قۇرال-جابدىقتار ساتىپ الۋعا، جايىلىمدى قورشاۋعا مۇمكىندىگى بار.

بۇگىن فەرمەرلىك شارۋاشىلىقتار جەڭىل شارتتارمەن نەسيەلەندىرىلەدى – نەسيە مەرزىمى 15 جىلعا دەيىن، سىياقى مولشەرلەمەسى سۋبسيديالاۋدى ەسكەرۋمەن 4%-دان باستاپ. كەپىلزاتتىق قامتاماسىز ەتۋگە قويىلاتىن تالاپتار ماكسيمالدى جەڭىلدەتىلدى – كەپىلزات رەتىندە قولدا بار، ساتىپ الىناتىن مال جانە فەرمەرلەردىڭ وزگە اكتيۆتەرى قابىلدانادى.  

يمپورتتىق مالدى الۋدىڭ ارتىقشىلىقتارىن اتاپ وتكەن ءجون -  بۇل فەرمەرلەردى جوعارى گەنەتيكالىق الەۋەتى بار ىقم-مەن قامتاماسىز ەتۋ. يمپورتتىق مالدىڭ ءتولىن وسىرگەندە، قىسقا مەرزىمدە 550-600 كگ. سوڭعى سالماقتى الۋعا مۇمكىندىك بەرەدى، ال جەرگىلىكتى گەنەتيكانى پايدالانعاندا، تەك وسىنىڭ جارتى سالماعىنا عانا قول جەتكىزۋگە بولادى.

2018 جىلى اگرارلىق نەسيە كورپوراتسياسى وسى باعدارلاما شەڭبەرىندە 19،1 ملرد. تەڭگە سوماسىنا يمپورتتىق ىقم 30،1 مىڭ باسىن ساتىپ الۋ ءۇشىن 201 ءاشتو-دى نەسيەلەندىردى، سولاردىڭ ىشىندە ەلىمىزگە ىقم 15،2 مىڭ باسى اكەلىندى جانە  2،3 مىڭ باسى جولدا كەلە جاتىر.       

2019 جىلى «قازاگرو» حولدينگى يمپورتتىق ىقم باسىن ساتىپ الۋدى قارجىلاندىرۋ بويىنشا 100 مىڭ باس ينديكاتيۆىن بەلگىلەدى، سولاردىڭ ىشىندە كورپوراتسيانىڭ ۇلەسى 65 مىڭ باستى قۇرايدى، بۇل ماقساتتارعا 40،6 ملرد. تەڭگە ءبولىندى.

ءوزىنىڭ ىقم باسىن كەڭەيتۋگە نەسيە الۋعا نيەت بىلدىرگەن فەرمەرلىك شارۋاشىلىقتار جاقىن ورنالاسقان نەسيە سەرىكتەستىكتەرىنە، «اگرارلىق نەسيە كورپوراتسياسى»  وڭىرلىك فيليالدارىنا، سونداي-اق ورتالىق اپپاراتتىڭ كەڭسەسىنە جۇگىنە الادى.  

سوڭعى جاڭالىقتار

ۇقساس جاڭالىقتار