ينكليۋزيۆتى يننوۆاتسيالار باعدارلاماسىنىڭ ماقساتى - حالىققا ماڭىزدى, تىكەلەي الەۋمەتتىك ىقپال ەتەتىن ءار ءتۇرلى باعىتتارداعى يننوۆاتسيالىق جوبالاردى قۇرۋ جانە ەنگىزۋ ماقساتىندا عىلىم مەن بيزنەستى بىرىكتىرۋ.
مەملەكەتتىك ساياساتتىڭ نەگىزگى باسىم باعىتى - الەۋمەتتىك باعدارلامالار ارقىلى قازاقستان حالقىنىڭ ءومىر ءسۇرۋ ساپاسى مەن دەڭگەيىن ارتتىرۋ. الايدا, حالىقتىڭ ءومىر ءسۇرۋ ساپاسىن جاقسارتۋدا ءومىر ءسۇرۋ دەڭگەيىن ارتتىراتىن تەحنولوگيالار مەن يننوۆاتسيالاردى ازىرلەيتىن عىلىم مەن يننوۆاتسيالاردىڭ ءرولى دە وتە ماڭىزدى.
ينكليۋزيۆتى يننوۆاتسيالار – قالا جانە اۋىل حالقىنىڭ, حالىقتىڭ الەۋمەتتىك وسال جانە قامتىلماعان توپتارىنىڭ ءومىر ءسۇرۋ دەڭگەيىن جاقسارتۋ ءۇشىن مۇمكىندىكتەر جاسايتىن, ساپالى تاۋارلار, جۇمىس جانە قىزمەتتەرگە ۇزاق مەرزىمدى جانە تۇراقتى نەگىزدە ەلەۋلى اۋقىمدا قولجەتىمدىلىكتى قامتاماسىز ەتەتىن يننوۆاتسيالار.
كوميسسيا مۇشەلەرىنىڭ قاتارىندا بعم عىلىم كوميتەتى توراعاسىنىڭ ورىنباسارى ر.نۋرسەيتوۆ, بۇۇ دامۋ باعدارلاماسى, UNICEF, ازاماتتىق باستامالاردى قولداۋ ورتالىعى, ءبىلىم جانە عىلىم مينيسترلىگى, دەنساۋلىق ساقتاۋ مينيسترلىگى جانە ت.ب. مەملەكەتتىك جانە حالىقارالىق ۇيىمداردىڭ وكىلدەرى بولادى.
وتكىزىلەتىن كۇنى مەن ورنى: 22 اقپان, ساعات 16:00-دە, استانا قالاسى, تاۋەلسىزدىك, 41, 506 كەڭسە. «Silk Way» بو
