بۇل جولى قۇتقارۋشىلارعا جەرگىلىكتى «اتىراۋ» تەلەارناسىنىڭ وكىلدەرى قوسىلدى.
الدىمەن قۇتقارۋشىلار اتىراۋ قالاسىنىڭ ورتالىق كوپىرى تۇسىنداعى جايىق وزەنى بويىمەن ءجۇرىپ شىقتى. ول تۇستا قۇتقارۋشىلار مۇز ۇستىندە كونكيمەن, شانامەن جىگەرلەنە سىرعاناپ جۇرگەن ستۋدەنتتەردى, وقۋشىلاردى, اتا-انالاردى, ءتىپتى كىشكەنتاي بۇلدىرشىندەر دە كەزىكتىردى.
باتىس وڭىرلىك اەروۇتقىر جەدەل قۇتقارۋ جاساعى مەن توتەنشە جاعدايلار باسقارماسىنىڭ قۇتقارۋشىلارى ولاردىڭ ارقايسىسىمەن اڭگىمەلەسۋ وتكىزىپ, مۇز ۇستىندە توپ بولىپ جينالىپ تۇرۋ وتە قاۋىپتى ەكەنىن ءتۇسىندىردى. سونداي-اق, مۇز ۇستىمەن وتكەن كەزدە 5-6 مەترلىك ارا قاشىقتىقتى ساقتاۋ قاجەت ەكەنىن قاتاڭ ەسكەرتتى.
سودان سوڭ, شانامەن ويناپ جۇرگەن بالالارمەن سويلەسىپ, ولارعا مۇزدىڭ قاۋىپتىلىگىن ءتۇسىندىرىپ, 101 جانە 112 قۇتقارۋ قىزمەتتەرىنىڭ تەلەفوندارىن ەستەرىنە سالدى. جاراقاتتانۋدىڭ الدىن الۋ ماقساتىندا, اتا-انالارعا بالالارىن قاتاڭ قادالاعاپ ءجۇرۋدى تاپسىردى.
ودان ءارى قۇتقارۋشىلار بايمۋحانوۆ-مەچنيكوۆ كوپىرى تۇسىنا باعىت الدى, وندا بالىق اۋلاۋشىلاردى كوپ كەزدەستىردى. بالىق اۋلاپ وتىرىپ سپيرتتىك ىشىمدىكتەردى قولداناتىن بالىق اۋلاۋشىلار, قۇتقارۋشىلاردى قاتتى الاڭداتادى. ادەتتە ماس كۇيىندە كوپتەگەن ادامدار قازا بولۋى مۇمكىن, ويتكەنى ادام ءوز قيمىلىن قاداعالاي الماي قالادى.
جاساق قۇتقارۋشىلارى قىسقى بالىق اۋلاۋ اۋەسقويلارىنا جەكە قۇتقارۋ قۇرالدارىن ۇنەمى وزدەرىمەن بىرگە الىپ جۇرۋگە, قاراپايىم قاۋىپسىزدىك ەرەجەلەرىن ساقتاۋعا شاقىردى.
وتكىزىلگەن بىرلەسكەن رەيد ناتيجەسىندە 100-گە جۋىق اتىراۋ تۇرعىنى اقپاراتتاندىرىلدى.
بۇگىنگى كۇنى جايىق وزەنىندەگى مۇزدىڭ قالىڭدىعى 25-26 سم قۇرايدى. قۇرمەتتى تۇرعىندار, مۇزعا شىقپاس بۇرىن قاۋىپسىزدىكتى قامتاماسىز ەتەتىن جانە ءومىرىڭىزدى ساقتاۋعا كومەكتەسەتىن ەرەجەلەردى ەستەرىڭىزدە ساقتاپ جۇرىڭىزدەر! اباي بولىڭىزدار!
