اتالعان قوردى تولتىرۋ كوزدەرىنىڭ بىرەۋى – قىلمىستاردىڭ ساناتىنا قاراي سوتتاردىڭ ۇكىمدەرىمەن وندىرىلەتىن ءماجبۇرلى تولەمدەر بولىپ تابىلادى. بىلتىرعى جىلدىڭ 2-ءشى جارتىجىلدىعىندا 8,5 مىڭ سوتتالعانداردان 300 ملن-عا جۋىق تەڭگە ءوندىرىلدى.
ءماجبۇرلى تولەمدەردەن باسقا پروتسەستىك مىندەتتەردى ورىنداماعانى جانە سوت وتىرىسىندا ءتارتىپ بۇزعانى ءۇشىن, تۇزەۋ جۇمىستارى تۇرىندە جازا تاعايىندالعان سوتتالعانداردان ءوندىرىپ الۋ ارقىلى قور قالىپتاستىرىلادى.
زاڭ بويىنشا قوردا جينالعان قاراجات قىلمىس قۇرباندارىنا 2020 جىلدىڭ 1 شىلدەسىنەن باستاپ تولەنەدى.
سەكسۋالدىق زورلىق-زومبىلىقتىڭ قۇربانى بولعان كامەلەتكە تولماعاندار, ادام ساۋداسى مەن ازاپتاۋلاردىڭ جابىرلەنۋشىلەرى جانە دەنساۋلىعىنا اۋىر زيان كەلتىرىلگەن نە ادامنىڭ يممۋن تاپشىلىعى ۆيرۋسىن (ايتۆ/جيتس) جۇقتىرعان ادامدار وتەماقىنى الۋعا قۇقىلى. ولار 30-دان 50 ايلىق ەسەپتىك كورسەتكىش كولەمىندەگى بىرجولعى تولەمنەن تۇرادى.
بۇل قارجى بيۋدجەتتى اتقارۋ جونىندەگى ورتالىق ۋاكىلەتتى ورگانىمەن كۇنتىزبەلىك ون كۇننەن كەشىكتىرمەي جابىرلەنۋشىلەردىڭ بانكتىك شوتىنا اۋدارىلادى.
