قازاقستان • 21 اقپان، 2019

داريعا نازارباەۆا ەۋروپالىق وداقتىڭ ورتالىق ازيا جونىندەگى ارنايى وكىلىمەن كەزدەستى

355 رەتكورسەتىلدى

سەناتتىڭ حالىقارالىق قاتىناس، قورعانىس جانە قاۋىپسىزدىك كوميتەتىنىڭ توراعاسى داريعا نازارباەۆا ەۋروپالىق وداقتىڭ ورتالىق ازيا جونىندەگى ارنايى وكىلى پەتەر بۋرياندى قابىلدادى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

د.نازارباەۆا ەۋروپالىق وداقپەن ىنتىماقتاستىق جاساۋ قازاقستاننىڭ سىرتقى ساياساتىنىڭ ستراتەگيالىق باعىتتارىنىڭ ءبىرى ەكەنىن اتاپ ءوتتى. سونداي-اق، قازاقستان پارلامەنتى «قازاقستان – ەۋروپالىق وداق» پارلامەنتتىك ىنتىماقتاستىق كوميتەتى اياسىنداعى ەۋروپا پارلامەنتىمەن ودان ءارى سىندارلى ۇنقاتىسۋدى دامىتۋعا مۇدەللى ەكەنىن ءبىلدىردى.

ەۋروپالىق وداقتىڭ ورتالىق ازيا جونىندەگى ارنايى وكىلى قازاقستانمەن ىنتىماقتاستىقتى ساپالى جاڭا دەڭگەيگە ىلگەرىلەتۋگە ءازىر ەكەنىن ايتتى.

تاراپتار ساۋدا-ەكونوميكالىق جانە ينۆەستيتسيالىق ىنتىماقتاستىقتى ارتتىرۋدىڭ كەلەشەگىن تالقىلادى. د.نازارباەۆا قازاقستان ازاماتتارى ءۇشىن ۆيزا ءتارتىبىن جەڭىلدەتۋ قاجەتتىگىن اتاپ ءوتتى. سەناتور سونداي-اق قازاقستان ۇكىمەتى ۇلتتىق زاڭنامانى ەۋروپالىق ەرەجەلەرگە سايكەس ۇيلەستىرۋ بويىنشا بىرقاتار كەشەندى شارالار قابىلداعانىن ايتتى. قازاقستان 62 مەملەكەت، ونىڭ ىشىندە ەۋروپانىڭ 33 مەملەكەتىنىڭ ازاماتتارى ءۇشىن ۆيزاسىز ءتارتىپ ەنگىزدى.

جۇزدەسۋشىلەر ەۋروپالىق وداقتىڭ ورتالىق ازيا جونىندەگى جاڭا ستراتەگياسىن تالقىلادى. د.نازارباەۆا بىرلەسكەن ىنتىماقتاستىقتىڭ باسىمدىعى رەتىندە ءبىلىم بەرۋ، قۇقىقتىڭ ۇستەمدىك قۇرۋى جانە ساپالى مەملەكەتتىك باسقارۋ ارقىلى ادامي كاپيتالدى دامىتۋدى، ايەلدەر اراسىنداعى كاسىپكەرلىككە ءمان بەرە وتىرىپ، شاعىن جانە ورتا بيزنەستى دامىتۋعا، كولىك-لوگيستيكالىق ينفراقۇرىلىمدى دامىتۋعا، ەنەرگيا تيىمدىلىگىن ارتتىرۋعا، سۋ قاۋىپسىزدىگى ماسەلەلەرى بويىنشا ءوزارا ارەكەتتەسۋدى، اۋعانستانداعى جاعدايدى تۇراقتاندىرۋ بويىنشا شارالاردى ىسكە اسىرۋدى اتاپ كورسەتتى.

د.نازارباەۆا قازاقستاندىق جوعارى وقۋ ورىندارىندا اۋعاندىق ستۋدەنتتەردى 2021 جىلدارعا دەيىن وقىتۋ بويىنشا باعدارلاما مەرزىمىنىڭ ۇزارتىلعانىن ايتتى. وتكەن جىلى ەۋروپالىق وداقتىڭ قارجىلاندىراتىن اۋعان قىزدارىن وقىتۋ جونىندەگى قۇنى 2 ملن. ەۋرو بولاتىن قازاقستان، وزبەكستان مەن ەو ءۇش جاقتى باعدارلاماسى ىسكە قوسىلدى. «وسى ءبىلىم بەرۋ جوباسى اۋعانستانداعى ايەلدەر ءرولىن ارتتىرۋعا جانە بالالاردىڭ جاعدايىن جاقسارتۋعا، سونداي-اق جالپى ەلدەگى جاعدايدى رەتتەۋگە ىقپال ەتەدى دەپ سانايمىز»، - دەپ اتاپ ءوتتى سەناتور.

سەنات كوميتەتىنىڭ توراعاسى ەو-ەاەو اياسىنداعى ىنتىماقتاستىقتىڭ كەلەشەگى تۋرالى بايانداپ، قاۋىمداستىقتار اراسىنداعى ءوزارا ءىس-قيمىل ەكى تاراپقا دا پايدالى بولاتىنىن ءارى جاھاندىق ەكونوميكالىق داعدارىسقا جاۋاپ بەرۋگە مۇمكىندىك بەرەتىنىن اتاپ ءوتتى.                                                   

سوڭعى جاڭالىقتار

كوروناۆيرۋسسىز قوستاناي

ايماقتار • كەشە

ۇقساس جاڭالىقتار