مينيستر مەملەكەت باسشىسى نۇرسۇلتان نازارباەۆ حالىقارالىق قارجى ينستيتۋتتارىمەن ىنتىماقتاستىققا ۇلكەن ءمان بەرىپ وتىرعانىن اتاپ ءوتتى. سىرتقى ىستەر مينيسترلىگىنىڭ ينۆەستيتسيالاردى تارتۋ جانە ەكسپورتتى ىلگەرىلەتۋ جونىندەگى جاڭا فۋنكتسيالارىن ەسكەرە وتىرىپ, ەقدب-مەن ءوزارا ءىس-قيمىل كۇشەيتىلەتىن بولادى.
سۇحباتتاسۋشىلار جىل سايىن ەقدب پرەزيدەنتى سۋما چاكرابارتي قاتىساتىن قر پرەزيدەنتى جانىنداعى شەتەلدىك ينۆەستورلار كەڭەسىنىڭ جۇمىسىن جانە ونىڭ الداعى وتىرىسىن تالقىلادى. بانك «استانا» حالىقارالىق قارجى ورتالىعىن قۇرۋعا قولداۋ كورسەتۋدە. سونداي-اق, «ۇلكەن الماتى اينالما اۆتوكولىك جولى» جوباسىنىڭ ءساتتى جۇزەگە اسىرىلۋى جانە ەقدب-نىڭ باسقا دا ينفراقۇرىلىمدىق جوبالاردى جۇزەگە اسىرۋعا قوسقان ۇلەسى اتاپ ءوتىلدى. قازىرگى تاڭدا ەلىمىزدىڭ بىرقاتار وبلىستارىندا اۆتوكولىك جولدارىن, سۋشارۋاشىلىق جانە گيدرومەليوراتيۆتى جۇيەلەرىن قايتا جوندەۋگە باعىتتالعان جالپى سوماسى 362,8 ملن. اقش دوللارىن قۇرايتىن ەقدب-ءنىڭ جوبالارى ىسكە اسىرىلۋدا.
ەقدب - 1991 جىلى قۇرىلعان حالىقارالىق قارجى ۇيىمى بولىپ تابىلادى. ورتالىق ەۋروپادان ورتالىق ازياعا دەيىن, سونداي-اق وڭتۇستىك جانە شىعىس جەرورتا تەڭىزى ەلدەرىندە جوبالاردى قارجىلاندىرادى. ۇيىم باسىمدىقتارىنىڭ قاتارىنا مەملەكەتتىك كەپىلدىكپەن جانە مەملەكەتتىك كەپىلدىكسىز نەسيە بەرۋ ارقىلى قارجى سەكتورىن, شاعىن جانە ورتا بيزنەستى قولداۋ, ۇكىمەتتىك قارىزدار بەرۋ, مەملەكەتتىك كەپىلدىكتەرگە بەرىلەتىن قارىزدار جانە مەملەكەتتىك كەپىلدىكتەر جوق ينفراقۇرىلىمدى دامىتۋ ماسەلەلەرى كىرەدى.
بانك سونداي-اق تابيعي رەسۋرستار, بايلانىس جانە اگروونەركاسىپ كەشەنى سياقتى سالالاردا بەلسەندى جۇمىس جاسايدى.
گۇلبارشىن ساباەۆا,
«ەگەمەن قازاقستان»
الماتى
