17-25 اقپان ارالىعىندا وتەتىن كۋبوكتىك كەزەڭ وليمپيادا ويىندارىنا ىرىكتەۋ جارىستارىنىڭ ءبىرى بولىپ سانالادى. مەلبۋرندەگى دوداعا قازاقستان ساپىنان ميلاد كاريمي, ناريمان كۋربانوۆ جانە اكيم مۋساەۆقاتىسۋدا.
قىزدار اراسىنداعى باسەكەدە ايدا باۋىرجانقىزى مەن جانەركە دۇيسەك باق سىنايدى.
قازاقستان كومانداسى الەم كۋبوگى كەزەڭىنە دايىندىقتى رەسەيدىڭ پەنزا قالاسىندا وتكىزدى.
«وتكەن جىلى ناريمان كۋربانوۆ ات سناريادىنداعى جاتتىعۋ بويىنشا وسى ءتۋرنيردىڭ التىن مەدالىن ەنشىلەگەن. بيىل پەنزادا وتكەن جاتتىعۋ جيىنىندا ول ءوز باعدارلاماسىن ودان ءارى قيىنداتىپ, ە ەلەمەنتىن قوستى. مەلبۋرندەگى الەم كۋبوگى كەزەڭىنە ميلاد كاريمي مەن اكيم مۋساەۆ تا قاتىسادى. كاريمي ەركىن جاتتىعۋ, قول تىرەپ سەكىرۋ, كەرمە مەن قولسىرىقتاعى جاتتىعۋدا باق سىنايدى. وتكەن جىلى ميلاد قولسىرىقتاعى جاتتىعۋدان اۋىر جاراقات الىپ, ءبىراز ۇزىلىستەن كەيىن عانا قاتارعا قوسىلعانىن كوپشىلىك ۇمىتا قويعان جوق. مۋساەۆ ەركىن جاتتىعۋدا, قول تىرەپ سەكىرۋ, ات پەن قوسسىرىقتاعى جاتتىعۋدا سىنعا تۇسەدى», - دەيدى باس باپكەر الەكساندر كيم.
