ماقساتى – ۇيىرمەلەر مەن سەكتسيالاردى بارلىق بالالار ءۇشىن قولجەتىمدى ەتۋ, قازىر قالادا ءتورت كوميۋنيتي-ورتالىق بار. ونىڭ ءبىرى بالالار ۇيىندە, ال قالعانى جالپى ءبىلىم بەرۋ مەكتەپتەرىندە قۇرىلعان.
«Shuǵila» كوميۋنيتي-ورتالىعى – جاڭا وقۋشىلار سارايىنىڭ فيليالى. ول №68 جانە №80 مەكتەپتەردە جۇمىس ىستەيدى. ماحامبەت وتەمىس ۇلى اتىنداعى وقۋشىلار سارايى دا ءوز فيليالدارىن اشىپ جاتىر. سونداي ورتالىقتىڭ ءبىرى №20 مەكتەپتە اشىلسا, ەكىنشىسى №86 جاڭا مەكتەپتە قۇرىلماق.
مۇندا روبوت تەحنيكاسى جانە 3D-مودەلدەۋ, بەينەلەۋ ونەرى, ساندىك-قولدانبالى ونەر, تەاتر جانە ۆوكال ۇيىرمەلەرى جۇمىس ىستەيدى. سونداي-اق, سپورتتىق ۆولەيبول, باسكەتبول, شاعىن-فۋتبول, دزيۋدو, شاحمات, توعىزقۇمالاق سەكتسيالارى بار. ساباقتاردى وقۋشىلار سارايىنىڭ مۇعالىمدەرى جۇرگىزەدى. ۇيىرمەلەر تەگىن. اكىمدىك كوميۋنيتي-ورتالىقتار جەلىسىن كەڭەيتۋدى جوسپارلاۋدا.
«مۇنداي ورتالىقتاردىڭ بىرەۋى عانا 800 بالانى قامتيدى. ۇيىرمەلەر مەن سەكتسيالاردىڭ ءبارى تەگىن. بۇل – حالىقتىڭ وسال توپتارى قاتارىنداعى ازاماتتاردى, كوپبالالى وتباسىلاردى قولداۋدىڭ ناقتى قادامدارىنىڭ ءبىرى. اسىرەسە, ءوز بالاسىن قاراۋسىز قالدىرۋعا قورقىپ, بۇدان بۇرىن جۇمىسقا شىعا الماعان اتا-انالار ءۇشىن وتە ىڭعايلى», – دەدى قالا اكىمى باقىت سۇلتانوۆ حالىققا ەسەپ بەرۋ كەزىندە.
