«قازاقستان رەسپۋبليكاسى ۇلتتىق بانكىنىڭ ماقساتى باعا تۇراقتىلىعىن قامتاماسىز ەتۋ بولىپ تابىلاتىندىعى بەلگىلى. ينفلياتسيا بويىنشا 2019 جىلعا ارنالعان نىسانالى باعدار 4-6% بولىپ تابىلادى. 4%-عا جۋىق بولاتىن ينفلياتسيانىڭ دەڭگەيى وڭتايلى بولىپ تابىلادى, ول, ءبىر جاعىنان ونىڭ ورنىقتىلىعىن جانە ينفلياتسيالىق پروتسەستەردىڭ باسقارىلۋىن قامتاماسىز ەتۋگە, ەكىنشى جاعىنان – ەكونوميكالىق سۋبەكتىلەردىڭ كاسىپكەرلىك قىزمەتتى ۇزاق مەرزىمدى جوسپارلاۋى ءۇشىن قاجەتتى جاعدايلار جاساۋعا, وسىلايشا, تۇتاستاي العاندا ەكونوميكالىق وسۋگە ىقپال ەتۋگە مۇمكىندىك بەرەدى.
الەمنىڭ بىردە-ءبىر ەلىندە ورتالىق بانككە كرەديتتەۋ كولەمى بويىنشا نىسانالى باعدار بەكىتىلمەگەنىن حالىقارالىق تاجىريبەگە جاسالعان تالداۋ كورسەتىپ وتىر. سونىمەن بىرگە مۇنداي پراكتيكا ينفلياتسيا بويىنشا ماقساتقا قول جەتكىزۋ جونىندەگى, سول سياقتى قارجى سەكتورىنىڭ دامۋ تۇراقتىلىعىن قامتاماسىز ەتۋ جونىندەگى شارالارعا قايشى كەلەدى. ءبىرىنشى جاعدايدا جۇرگىزىلىپ وتىرعان اقشا-كرەديت ساياساتىن قوسىمشا اقشا شىعارۋ (ونىڭ ىشىندە نارىقتىق ەمەس تالاپتارمەن وتىمدىلىك بەرۋ ارقىلى) ارقىلى جۇمسارتۋ نەمەسە بازالىق مولشەرلەمە جانە ۇلتتىق بانك وپەراتسيالارى بويىنشا مولشەرلەمەلەر دەڭگەيىن تومەندەتۋ قاجەت (ينفلياتسياعا قول جەتكىزۋ جونىندەگى شارالارعا قايشى كەلەدى). ناتيجەسىندە ينفلياتسيا وسەدى, جيناق اقشا, باعا بەلگىلەۋ جانە ەسەپ ايىرىسۋ دوللارلانادى, ۇلتتىق ۆاليۋتا السىرەيدى. ەكىنشى جاعدايدا پرۋدەنتسيالىق رەتتەۋ مەن قاداعالاۋدى جۇمسارتۋ قاجەت (قارجى سەكتورىنىڭ تۇراقتىلىعىن قامتاماسىز ەتۋ جونىندەگى شارالارعا قايشى كەلەدى), ونىڭ ناتيجەسىندە قارجى ۇيىمدارى اكتيۆتەرىنىڭ ساپاسى ناشارلايدى, ولاردىڭ قارجىلىق ورنىقتىلىعى تومەندەيدى جانە ولاردىڭ دەپوزيتورلارىنا تاۋەكەل بولادى» دەدى د.اقىشەۆ.
بۇل رەتتە ۇلتتىق بانكتىڭ تاراپىنان ۇكىمەتپەن بىرلەسىپ ىسكە اسىرىلعان ەكونوميكاعا قولداۋ كورسەتۋدىڭ نىساندارىنىڭ بولۋى مۇمكىن. ونىڭ ايتۋىنشا, وندىرىستىك سەكتور ءۇشىن كرەديتتىك رەسۋرستارعا قولجەتىمدىلىكتى ۇلعايتۋ جونىندەگى شارالار شەڭبەرىندە قر ۇكىمەتىنىڭ 2018 جىلعى 11 جەلتوقسانداعى № 820 قاۋلىسىمەن وڭدەۋ ونەركاسىبىندە جانە اگروونەركاسىپتىك كەشەندە قىزمەتىن جۇزەگە اسىراتىن جەكە كاسىپكەرلىك سۋبەكتىلەرىن قولداۋ ءۇشىن 2018 - 2020 جىلدارى ەكىنشى دەڭگەيدەگى بانكتەردى قارجىلاندىرۋ كوزدەلەتىن باسىم جوبالاردى كرەديتتەۋ تەتىگى بەكىتىلگەن. باعدارلامادا بىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى جانە ۇلتتىق بانكتىڭ مەنشىكتى قاراجاتى ەسەبىنەن تەپە-تەڭ نەگىزدە جىلدىق 11%-عا دەيىن سىياقى مولشەرلەمەلەرى بويىنشا 7 جىلعا دەيىن وتەۋ مەرزىمى بار 600 ملرد. تەڭگە ءبولۋ بولجانادى. قارىز الۋشىلار ءۇشىن تۇپكىلىكتى مولشەرلەمە 7% مولشەرىندەگى پايىزدىق مولشەرلەمەگە قاتىستى سۋبسيديالاۋ ەسەبىنەن 8%-دان اسپايتىن بولادى. باعدارلامانىڭ وپەراتورى «دامۋ» كاسىپكەرلىكتى دامىتۋ قورى» اق, ول سىياقى مولشەرلەمەسىن سۋبسيديالايدى. سونداي-اق ەكىنشى دەڭگەيدەگى بانكتەرگە بەرىلگەن قاراجاتتى نىسانالى جانە ۋاقتىلى قارجىلاندىرۋعا مونيتورينگتى جانە كرەديتتەردى ماقساتقا ساي پايدالانۋدى جۇزەگە اسىراتىن بولادى.
ۇكىمەتتىڭ جانە ۇيىمدارمەن, «اتامەكەن» ۇكپ جانە قازاقستاندىق يندۋستريا دامىتۋ ينستيتۋتىمەن (قيدي) بىرلەسكەن جۇمىستىڭ ناتيجەسىندە باسىم جوبالاردى كرەديتتەۋگە ارنالعان تاۋارلار تىزبەسى جاسالدى. ول 36 تاۋار توپتارىنان, 65 ەقجج جانە 365 تاۋار پوزيتسياسىنان تۇرادى ەكەن.
ۇلتتىق بانك توراعاسىنىڭ ايتۋىنشا, ۇلتتىق بانككە وڭدەۋشى ونەركاسىپكە جانە اۋىل شارۋاشىلىعىنا باعىتتالاتىن كرەديتتەر دەڭگەيى بويىنشا, ۇزاق مەرزىمدى كرەديتتەردىڭ ۇلەسى بويىنشا, سىياقى مولشەرلەمەسىنىڭ مولشەرى بويىنشا, سونداي-اق سىياقى مولشەرلەمەسىن سۋبسيديالاۋعا ارنالعان مەملەكەتتىك قولداۋ دەڭگەيى بويىنشا نىسانالى باعدارلاردى بەكىتىپ بەرۋ تاۋەكەلدەر سانىنىڭ ارتۋىنا, جۇرگىزىلىپ وتىرعان اقشا-كرەديت ساياساتى تيىمدىلىگىنىڭ تومەندەۋىنە, سونداي-اق قازاقستاننىڭ ماكروەكونوميكالىق تۇراقتىلىعىنا تەرىس اسەرىن تيگىزەدى.
