«2018 جىلى 144 مىڭنان استام ادامدى قامتيتىن 56 اۋىلدى ەلدى مەكەن ساپالى ينتەرنەتپەن قامتىلدى. نەگىزگى ماقسات - 1 249 ەلدى مەكەندى كەڭ جولاقتى جەلىمەن قامتاماسىز ەتۋ. جوبانى جۇزەگە اسىرۋ بارىسىندا 20 مىڭ شاقىرىمدى قۇرايتىن تالشىقتى-وپتيكالىق جەلى قۇرىلىسىن سالۋ جوسپارلانىپ وتىر», دەدى د.اباەۆ.
ونىڭ ايتۋىنشا, 2018 جىلى - «ترانسەۋرازيا سۋپەراقپاراتتىق ماگيسترال» حالىقارالىق جوباسى بويىنشا كاسپي تەڭىزى ارقىلى قىتاي, وڭتۇستىك شىعىس ازيا جانە ەۋروپانى بىرىكتىرەتىن, 15 000 كيلومەتردەن استام تالشىقتى-وپتيكالىق ماگيسترال سالۋ جۇمىستارى جالعاسىپ جاتىر.
