سپورت • 19 اقپان، 2019

استانادا شاحماتتان الەم چەمپيوناتى وتەدى

346 رەتكورسەتىلدى

استانا - ەرتەڭ 20 اقپان ساعات 11:00-دە سارىارقا ۆەلوترەگىندە (قابانباي باتىر، 42 «سارىارقا» ۆەلوترەگىنىڭ ءباسپاسوز زالى) كلاسسيكالىق شاحماتتان كوماندالىق الەم چەمپيوناتىنىڭ وتكىزىلۋىنە ارنالعان ءباسپاسوز-كونفەرەنتسياسى وتەدى.

مادەنيەت جانە سپورت مينيسترى ارىستانبەك مۋحامەدي ۇلى، قازاقستان شاحمات فەدەراتسياسىنىڭ اتقارۋشى ديرەكتورى يرينا گريششەنكو، گروسسمەيستەر، قر ايەلدەر قۇراماسىنىڭ مۇشەسى دينارا سادۋاكاسوۆا، گروسسمەيستەر، قر ەرلەر قۇراماسىنىڭ مۇشەسى انۋار يسماگامبەتوۆ سپيكەر بولادى.

ناۋرىز ايىندا استانادا، الەمنىڭ 14 ەلىنەن ەڭ مىقتى قۇرامالار قاتىساتىن  كلاسسيكالىق شاحماتتان كوماندالىق الەم چەمپيونتى وتەدى.

مۇنداي ءىس-شارا قازاقستاندا العاشقى رەت وتەدى.

تۋرنيردە قىتاي، ءازىربايجان، يران، اقش، رەسەي،  ۇلىبريتانيا، ءۇندىستان،  ۋكراينا، گرۋزيا، تاعى دا باسقا ەلدەردەن جانە قازاقستاننان 20 قۇراما وينايدى - 10 ەرلەر جانە 10 ايەلدەر كومانداسى. ولاردىڭ اراسىندا الەم چەمپيوندارى، كونتينەنتتىك چەمپيوندار، FIDE 2018 وليمپياداسىنان سوڭ ەڭ جوعارى رەيتينگتەرىمەن 6 كوماندا، قابىلداۋشى فەدەراتسيادان ەكى كوماندا جانە دە FIDE پرەزيدەنتىمەن تاعايىندالعان ەكى كوماندا بولادى.  كوماندالىق ەسەپتە الەم چەمپيونى اتاعى - بولەك تۇردە،  ەرلەر جانە ايەلدەر كوماندالارىنا بەرىلەدى.      

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار