مەملەكەت باسشىسى 2019-2022 جىلدارعا ارنالعان قىزىلوردا وبلىسىنىڭ الەۋمەتتىك-ەكونوميكالىق دامۋىنىڭ كەشەندى جوسپارى ازىرلەۋدى تاپسىرعان بولاتىن
– بۇل بىزدەن ۇلكەن جاۋاپكەرشىلىكتى تالاپ ەتەدى. جوسپارلى جۇمىستى اتقارۋعا رەسپۋبليكالىق بيۋدجەتتەن قارجى سۇرالادى. سوندىقتان, ايماق ءۇشىن ماڭىزدى ماسەلەلەر كەشەندى جوسپارعا ەنگىزىلۋى ءتيىس, – دەدى وبلىس اكىمى قىرىمبەك كوشەرباەۆ.
كەشەندى جوسپاردى ازىرلەۋگە وبلىستىق جۇمىسشى توبى قۇرىلدى. ونىڭ العاشقى جوباسىن قالىپتاستىرۋ ءۇشىن ۇسىنىستار جيناقتالىپ جاتىر.
– قارجىلىق تۇيتكىلى شەشىلمەگەن جوبالار دا كەشەندى جوسپاردا قوسىمشا كورىنىس تابۋى قاجەت. ولار – كاسىپكەرلىكتى دامىتۋ, جۇمىسپەن قامتۋ, الەۋمەتتىك قورعاۋ, دەنساۋلىق ساقتاۋ, ءبىلىم بەرۋ, سپورت, كولىك, ينفراقۇرىلىم, تۋريزم, ونەركاسىپ, ەكولوگيا, تابيعاتتى پايدالانۋ, قوعامدىق ءتارتىپ جانە ازاماتتىق قورعاۋ سالالارى, – دەدى وبلىس اكىمىنىڭ ورىنباسارى قۋانىشبەك ىسقاقوۆ.
بيىل وبلىستا بارلىق دەڭگەيدەگى اكىمدەر حالىق الدىندا ەسەپ بەرگەن بولاتىن. وبلىس اكىمى حالىقتى مازالاعان بارلىق سۇراقتار ەسكەرۋسىز قالماۋ جاعىن ايتتى.
باقتيار تايجان,
«Egemen Qazaqstan»
قىزىلوردا وبلىسى
